धनराज वैभव हांडे (वय ९) असे चिमुरड्याचे नाव आहे. तर आत्महत्या करण्याच्या प्रयत्नात असलेल्या ३६ वर्षीय शुभांगी वैभव हांडे यांचा मृत्यू झाला आहे. तर वडील वैभव हांडे हे यात गंभीर जखमी झाले आहेत. घटनेची माहिती मिळताच चिखली पोलीसांनी घटनास्थळी धाव घेत वडिलांना जवळच्या रुग्णालयात दाखल केले आहे.

वृत्तानुसार, वैभव हांडे यांनी एका खाजगी सावकाराकडून अंदाजे ४ ते ८ लाख रुपये १० टक्के व्याजाने घेतले होते. त्याची परतफेड करण्यासाठी सावकार शिवीगाळ व मारहाण करत असल्याचे तक्रारीत म्हटले आहे. हांडे यांच्या तक्रारीवरुन चिखली पोलिसांनी आरोपी सावकार संतोष कदम, एक महिला आरोपी, संतोष पवार, जावेद खान यांच्यावर गुन्हा दाखल केला असून त्यांना बेड्या देखील ठोकल्या आहेत.

धक्कादायक म्हणजे ज्यावेळी ९ वर्षीय धनराजने सुद्धा आत्महत्या केली, असे गृहीत धरण्यात येत असताना त्याच्या शवविच्छेदन अहवालातून मात्र ती हत्या असल्याचे समोर आले. गळा दाबून हत्या करण्यात आल्याचे निदर्शनात आले आहे. त्यामुळे पोलिसांनी वडिलांवर देखील गुन्हा दाखल केला आहे. तर याप्रकरणी चिखली पोलीस पुढील तपास करत आहेत.