उत्तर सीमेवर तैनात असलेल्या या रोबोटिक म्युलला थर्मल कॅमेरे आणि सेन्सर बसवले आहेत. हे रोबोटिक म्युल ३० किलो पर्यंत वजन उचलू शकतात आणि १० फूट उंचीवर चढण्यास देखील सक्षम आहेत. आधुनिक तंत्रज्ञानाने सुसज्ज असलेल्या या खेचरांना लवकरच शस्त्रास्त्रेही दिली जाणार आहेत. हे रोबोटिक म्युल सैन्याची ताकद आणखी वाढवत आहेत. उंचावरील कठीण भागात हे खूप उपयुक्त आहेत. परेडमध्ये या रोबोटिक म्युलची उपस्थिती भारताची लष्करी क्षमता आणि आधुनिक तांत्रिक प्रगती दर्शवते.

प्रत्येक हंगामात उपयुक्त ठरेल रोबोटिक म्युल

रोबोटिक म्युल कोणत्याही हंगामात वापरता येतात. हे केवळ वजनच वाहून नेऊ शकत नाही, तर गरज पडल्यास शत्रूवर गोळ्यांचा वर्षावही करू शकते. भारतीय लष्कराने आपत्कालीन खरेदी (ईपी) च्या चौथ्या टप्प्यांतर्गत (सप्टेंबर २०२२ ते सप्टेंबर २०२३) १०० रोबोटिक खेचर खरेदी केले होते. आणि त्यांना अग्र भागात तैनात केले होते. शेजारील चीनचा मुकाबला करण्यासाठी, पूर्व लडाखमधील लष्कर विविध कामांसाठी, विशेषत: उच्च उंचीच्या भागांसाठी तंत्रज्ञान उत्पादने शोधत आहे. लष्कराच्या या गरजा लक्षात घेऊन स्वदेशी रोबोटिक खेचर/श्वान बनवण्यात आले आहेत.

रोबोटिक म्युल सर्व प्रकारचे अडथळे पार करू शकतात. ते पाण्याच्या आत जाऊ शकतात. आणि नद्या, नाले देखील ओलांडू शकतात. यात इलेक्ट्रो-ऑप्टिक्स, इन्फ्रारेडसारख्या गोष्टी शोधण्याची क्षमता आहे. हे केवळ पायऱ्या, उंच टेकड्या आणि इतर अडथळे सहज पार करू शकत नाही, तर -४० ते +५५ अंश सेल्सिअस तापमानातही काम करू शकतात. याव्यतिरिक्त, ते १५ किलो वजन देखील उचलू शकतात.

याचबरोबर, यामध्ये शत्रूचे ठिकाण शोधण्यासाठी ३६० डिग्री कॅमेरे आहेत. त्यात थर्मल कॅमेरे आणि इतर सेन्सर बसवले आहेत. सीमेवर तैनात असलेल्या सैनिकांना छोट्या वस्तू नेण्यासाठीही त्यांचा वापर करता येतो.