सरपंच संतोष देशमुख हत्या प्रकरणातील तपासासाठी स्थापन करण्यात आलेली आधीची एसआयटी बरखास्त करण्यात आली असून आता नवीन एसआयटीची स्थापना करण्यात आली आहे. भाजप आमदार सुरेश धस यांच्या माहितीनुसार, पोलीस उपमहानिरीक्षक बसवराज तेली हे नवीन एसआयटीचे प्रमुख असतील.
नव्याने स्थापन झालेल्या एसआयटीमध्ये नव्या चेहऱ्यांना संधी देण्यात आली आहे. यामध्ये श्रीमती किरण पाटील अपर पोलीस अधीक्षक, अनिल गुजार पोलीस उफअधीक्षक, सुभाष मुठे पोलीस निरीक्षक, अक्षयकुमार ठिकणे पोलीस निरीक्षक, श्रीमती शर्मिला साळुंके पोलीस हवालदार. श्रीमती दिपाली पवार पोलीस हवालदार यांचा नव्याने स्थापन झालेल्या एसआयटीमध्ये समावेश आहे.
१ जानेवारी २०२५ मध्ये स्थापन झालेल्या एसआयटीमध्ये १० जणांची टीम करण्यात आली होती. ज्यामध्ये अनिल गुजर – पो. उप अधीक्षक, विजयसिंग शिवलाल जोनवाल- स.पो. निरीक्षक, महेश विघ्ने – पो.उ.निरीक्षक, आनंद शंकर शिंदे- पो.उ.निरीक्षक, तुळशीराम जगताप – सहा. पो. उ. निरीक्षक, मनोज राजेंद्र वाघ – पोलीस हवालदार, चंद्रकांत एस.काळकुटे – पोलीस नाईक, बाळासाहेब देविदास अहंकारे – पोलीस नाईक, संतोष भगवानराव गित्ते – पोलीस शिपाई यांचा यामध्ये समावेश होता. तर आता नव्याने स्थापन झालेल्या एसआयटीमध्ये यामधील फक्त दोघांचा समावेश आहे.
दरम्यान, धनंजय देशमुख यांनी केसमधील शासकीय निवास्थानावर सीआयडी अधिकाऱ्यांची भेट घेतली. मात्र या माहितीवर आपण समाधानी नसल्याचं देशमुख म्हणाले. या बैठकील बसवराज तेली हे उपस्थित नव्हते. तर मंगळवारी दुपारी तीन वाजता देशमुख त्यांची भेट घेणार असल्याचं सांगितलं आहे.
लेखकाबद्दलहरिश मालुसरे महाराष्ट्र टाइम्स ऑनलाईन टीममध्ये सिनिअर डिजिटल कंटेंट प्रोड्युसर म्हणून कार्यरत. क्रीडा, राजकीय आणि क्राईम बातम्यांमध्ये विशेष आवड. झी 24 तास आणि टीव्ही9 मराठीसह पत्रकारिता क्षेत्रात 04 वर्षांचा अनुभव.… आणखी वाचा