Uddhav Thackeray: दिल्ली विधानसभांचा निवडणुकांच्या पार्श्वभूमीवर विरोधी पक्षांच्या ‘इंडिया’मध्ये फूट पडल्याचे दिसत असताना ठाकरे गटाचे नेते खासदार संजय राऊत यांनी मुंबई महानगरपालिकेसह महापालिका निवडणुकांत ठाकरे गट स्वबळावर निवडणूका लढविणार असल्याचे संकेत दिले आहेत.
हायलाइट्स:
- हिंदुत्वाच्या मुद्द्यावर आक्रमक होण्याचा विचार
- विधानसभेच्या पराभवातून सावरण्याचेही प्रयत्न
- आघाडीतील पक्षांच्या भूमिकांबाबत संदिग्धता
Ajit Pawar : राजीनाम्याबाबत किती वेळा सांगायचे? धनंजय मुंडेंच्या राजीनाम्याचा मुद्दा अजित पवारांनी टोलविलाविधानसभा निवडणुकीतील पराभवाचे उट्टे काढायचे असल्यास ठाकरे यांच्या पक्षाला मुंबई महापालिका जिंकावी लागणार आहे. शिवाय यानिमित्ताने पक्षाचे अस्तित्वही त्यांना टिकवता येणार आहे. मात्र आघाडीमध्ये राहून त्यांना जास्त जागा लढवता येणार नाहीत. शिवाय मुंबईमध्ये पक्षाची संघटना मजबूत आहे. कमी जागा वाट्याला आल्यास त्यांच्या पक्षातील अनेक इच्छुक दुसरीकडे जाऊ शकतात. यासाठीच उद्धव ठाकरे यांनी स्वबळावर लढण्याचे पाऊल उचलले असल्याचे कळते. २०२४ च्या विधानसभा निवडणुकीतील पराभवानंतर शरद पवार काय निर्णय घेतील त्याबाबत संदिग्धता आहे. काहींच्या मते शरद पवार आणि अजित पवार एकत्र येऊ शकतात, तर काहींच्या मते सुप्रिया सुळे आणि शरद पवार यांना सोडून इतर नेते अजित पवार यांच्या गटात जाऊ शकतात. पवार यांच्या पक्षात पुन्हा काही गडबड झाली तर त्याचा थेट फटका ठाकरे गटालाही बसणार आहे. दुसरीकडे विधानसभा निवडणुकीत जागावाटपात काँग्रेसकडून फारच ताणून धरण्यात आले होते. उमेदवारी अर्ज भरण्याच्या अखेरच्या क्षणी ३० हून अधिक जागांवर तिढा सुटला नव्हता. त्यामुळे एकत्रित निवडणुका लढविण्यापेक्षा स्वतंत्र लढविण्याकडे ठाकरे गटाचा कल आहे.
Mahakumbh 2025: भक्तीचा ‘महाकुंभ’ आजपासून; ‘शाही स्नाना’ने होणार सुरुवात, सर्वत्र उत्साहाचे वातावरणहिंदुत्वाच्या मुद्द्यापासून काहीसे लांब गेल्याने पक्षाला विधानसभा निवडणुकीत फटका बसल्याचे ठाकरे गटाच्या पदाधिकाऱ्यांचे म्हणणे आहे. त्यामुळे आता हिंदुत्वाच्या मुद्द्याला पुन्हा धार देण्याची तयारी पक्षाने सुरू केली आहे. शिवसेना सुरुवातीपासूनच मराठी माणूस आणि हिंदुत्वाच्या मुद्द्यावर राजकारण करीत आली आहे. मात्र महाविकास आघाडीत राहून पक्षाला हिंदुत्वाच्या मुद्द्यावर उघड भूमिका घेणे काहीसे अडचणीचे ठरत होते. अलिकडेच बाबरी मुद्द्यावरून ठाकरे यांच्या निकटवर्तीय आमदार मिलिंद नार्वेकर यांनी एक पोस्ट शेअर केली होती. त्यावरून काँग्रेसच्या अल्पसंख्यांक समुदायाने नाराजी जाहीर केली होती. दोन दिवसांपूर्वी उद्धव ठाकरे यांनी राजकारणात केव्हा काय होऊ शकते हे कोणी सांगू शकत नाही, असे विधान केले होते. त्यामुळे यासर्व पार्श्वभूमीवर ठाकरे गट स्वबळावर लढणार असल्याचे समजते.
Prithviraj Chavan: खंडणीच्या प्रकारांना वेसण घाला! मुख्यमंत्री, गृहमंत्री जबाबदार असल्याचा पृथ्वीराज चव्हाण यांचा आरोपमहापालिकेवर पक्षाचा भर
मुंबई महानगरपालिकेवर १९९५ पासून शिवसेनेचे राज्य आहे. मागच्या वेळी ठाकरे यांच्या पक्षाने मुंबई महापालिकेतील २३६ पैकी ८४ जागांवर विजय मिळाला होता. त्यामुळे यावेळीही जास्ती जास्त जागा लढवत त्या जिंकण्याची त्यांनी समजते. रणनीती आखल्याचे
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा