Manikrao Kokate On Chhagan Bhujbal : माझ्या दृष्टीने त्यांचा विषय संपला आहे, अशी प्रतिक्रिया कृषिमंत्री ॲड. माणिकराव कोकाटे यांनी भुजबळांसदर्भात सुरू असलेल्या वादावर व्यक्त केली आहे.
राज्याच्या मंत्रिमंडळातून डावलल्यानंतर छगन भुजबळ नाराज असून, उपमुख्यमंत्री अजित पवार यांच्यावर त्यांनी टीकास्र सोडले होते. त्यावरून कृषिमंत्री माणिकराव कोकाटे आणि छगन भुजबळ यांच्यात गेल्या काही दिवसांपासून कलगीतुरा सुरू आहे. कोकाटे यांनी भुजबळांना थेट लक्ष्य केल्यामुळे पक्षात वादही निर्माण झाले होते. परंतु, शनिवारी (दि. ११) नाशिकमध्ये माध्यमांशी बोलताना कोकाटे यांनी भुजबळांबाबत नरमाईची भूमिका घेतल्याचे चित्र आहे. पक्षाकडून मला भुजबळांबाबत भाष्य करू नये, असा संदेश असल्याने माझ्याकडून भुजबळांचा विषय संपल्याचे सांगत, भुजबळांसोबत सुरू असलेल्या वादात त्यांनी पडदा टाकण्याचा प्रयत्न केला आहे.
Sanjay Raut: ‘मविआ’ही विसर्जनाकडे; शिवसेना ठाकरे गट महापालिका निवडणुका स्वबळावर लढणार, राऊत यांची घोषणा
आगामी निवडणुकीमध्ये शिवसेना ठाकरे गट स्वबळावर लढणार असल्याचे खासदार संजय राऊत यांनी जाहीर केले. यावरून माणिकराव कोकाटे यांनी ठाकरे गटाला टोला लगावलाय. त्यांनी म्हटले की, तो त्यांचा प्रश्न आहे. त्यांनी काय करावे, कुणासोबत लढावे, उघडे लढावे की कपडे घालून, तो त्यांचा प्रश्न आहे. त्यांना जे योग्य वाटते आहे त्यांनी ते करावे, असे कोकाटे म्हणाले. मंत्री धनजंय मुंडेंबाबत निर्णय घेण्यास मुख्यमंत्री सक्षम असल्याचेही कोकाटे म्हणाले.
कृषी विभागात अनास्था
कृषी विभागात अनास्था असून, समन्वयाचाही अभाव असल्याची कबुली कोकाटे यांनी दिली. अनेक विभाग हे कृषी विभागात काम करीत असतात, तर शेतकऱ्यांसाठीच्या योजना तळागाळापर्यंत पोहचवायला पाहिजे, किती लाभार्थी झाले आहेत, असा अहवाल येत नाही तोपर्यंत बोलता येणार नाही, असे सांगत केंद्र सरकारसोबत समन्वय साधून मार्ग काढू, असेही कोकाटे म्हणाले. तसेच द्राक्षाबागा नुकसानीचा अहवाल मागविल्याचे मंत्री कोकाटेंनी सांगितले.
हॉटेलमधून ‘एमडी’ तस्करी; नाशकात ७८.५ ग्रॅम अमली पदार्थ जप्त, तीन महिलांसह एकाला अटक
कर्जमाफीबाबत चर्चेअंती निर्णय
महायुती सरकाकडून शेतकऱ्यांना कर्जमाफीचे आश्वासन देण्यात आले आहे. माझ्या अखत्यारीत कर्जमाफीचा विषय येत नसतो. राज्याच्या आर्थिक धोरणाबाबत मुख्यमंत्री, अर्थमंत्री घेतात असे सांगत, कर्जमाफीबाबत दोन मतप्रवाह असल्याचे कोकाटे यांनी स्पष्ट केले. नियमित कर्ज भरणारे आणि थकित कर्ज भरणारे असे दोन प्रवाह असून, कर्जमाफीमुळे नियमीत कर्जफेड करणाऱ्यांची पंचाईत होते. त्यामुळे याबाबत मंत्रिमंडळ बैठकीत चर्चा होईल आणि त्यानंतरच अंतिम निर्णय होईल असे कोकाटे यांनी स्पष्ट केले आहे.
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा