Santosh deshmukh murder case : मस्साजोगचे सरपंच संतोष देशमुख यांची हत्या करण्यात आलीये. संतोष देशमुख यांच्या हत्येच्या दिवशी नेमके काय घडले, याबद्दल आता मोठा खुलासा करण्यात आलाय. वाद कसा सुरू झाले हे देखील स्पष्ट झाले.
संतोष देशमुख यांच्या हत्येचा संपूर्ण घटनाक्रम
आता नुकताच मोठा खुलासा करण्यात आलाय. संतोष देशमुख यांची हत्या नेमकी कशी करण्यात आली, याबद्दल आरोपींनी खुलासा केलाय. 6 डिसेंबर रोजी आवादा एनर्जी पवनचक्की प्रकल्पात खंडणी मागण्यासाठी गेलेल्या सुदर्शनने सुरक्षारक्षकाला मारहाण केली. त्यानंतर भांडण सोडवण्यासाठी सरपंच संतोष देशमुख तिथे गेले असता वाद अधिक वाढला. खंडणी मागण्यासाठी गेलेल्या आरोपींना मारहाण करण्यात आली आणि त्याचा व्हिडीओ सोशल मीडियावर व्हायरल झाला.
संतोष देशमुख यांच्या हत्येतील खरा सूत्रधार सुरेश धसांनी सांगितला, म्हणाले, आका म्हणत होता…
मारहाणीचा व्हिडीओ सोशल मीडिया व्हायरल झाल्याचा राग
वाढदिवसाच्या दिवशीच मारहाण झाली आणि त्याचा व्हिडीओ व्हायरल करण्यात आल्याचा राग मनात ठेऊन प्रतिक घुले याने संतोष देशमुख यांचे अपहरण केले. संतोष देशमुख यांच्या अपहरणानंतर आरोपी सुदर्शन घुले आणि त्याच्या साथीदारांकडून फायटर, गॅस पाईप, आणि काठीने संतोष देशमुख यांना मारहाण करण्यात आली. हेच नाहीतर जयराम चाटे याने व्हाट्सअॅपवरील मोकार पंती ग्रुपवर व्हिडीओ कॉल करून मारहाणीच्या अगोदरचा व्हिडीओ देखील दाखवला.
संतोष देशमुख यांची हत्या नेमकी कशी झाली?, आरोपींनी सांगितला संपूर्ण घटनाक्रम
चार ते पाच जणांनी बघितला तो व्हिडीओ
चार ते पाच जणांनी हा व्हिडीओ देखील बघितला असल्याचे सांगितले जाते. संतोष देशमुख यांना झालेल्या मारहाणीत प्रतिक घुले, सुदर्शन घुले, आणि सुधीर सांगळे प्रमुख आरोपी आहेत. संतोष देशमुख यांच्या हत्येनंतर आरोपींना तात्काळ फाशीची शिक्षा देण्याची मागणी ही सातत्याने केली जात आहे. सर्व आरोपींवर मकोका लावण्याची मागणी देशमुख कुटुंबियांकडून केली जात आहे. सुरेश धस आणि मनोज जरांगे पाटील यांनी याप्रकरणात आक्रमक भूमिका घेतलीये.
लेखकाबद्दलशितल मुंढेमहाराष्ट्र टाइम्स ऑनलाईन टीममध्ये सिनिअर डिजिटल कंटेंट प्रोड्युसर म्हणून कार्यरत. राजकीय, मनोरंजन, शिक्षण आणि क्राईम बातम्यांमध्ये विशेष आवड. लोकमत आणि टीव्ही 9 मराठीसह पत्रकारिता क्षेत्रात 6 वर्षांचा अनुभव.… आणखी वाचा