नेमकं काय घडलेलं?

कल्याणवरुन तरुणी कॉलेजला जाण्यासाठी सकाळी ८.९ च्या ट्रेनने निघाली होती. ती ९.३० वाजता दादर स्टेशनला आली. तिथून ती मोठ्या ब्रीजवर पोहोचली. ब्रिजवरुन चालत असताना भर गर्दीत तिला पाठीला काहीतरी टोचल्याचं लक्षात आलं आणि तरुणीने मागे वळून पाहिलं. त्यावेळी एका तरुणाने तिथून पळ काढल्याचं तिला दिसलं. आरोपी धावत जाताना हातातली कैची बॅगेत टाकत होता. तरुणीने त्याच्या मागे धावत जाण्याचा प्रयत्न केला पण तो पुढे गर्दीत दिसेनासा झाला.
उसाची तोडणी सुरू होती, रात्री अंधारात भयंकर घडलं; शेतातच शेतकऱ्याचा दुर्दैवी मृत्यू, शहरात हळहळ
तरुणीने आरोपीला धावत जाताना पाठमोरं पाहिलं. त्याचेवळी जमिनीवर तिला केस पडल्याचं दिसलं. तिने स्वत:च्या केसांना हात लावला त्यावेळी तिचे केस अर्धवट कापल्याचं तिच्या लक्षात आलं. तरुणीने तात्काळ रेल्वे संरक्षण दल अर्थात RPF पोलिसात तक्रार दिली. त्यानंतर तिला पोलिसांनी सीसीटीव्ही दाखवलं, तसंच एफआयआर दाखल करण्याचं सांगितलं. तरुणीने मुंबई सेंट्रल जीआरपीकडे तक्रार दाखल केली होती.
दादर स्थानकात धक्कादायक प्रकार, अज्ञाताने तरुणीचे केस कापले, भर गर्दीतली घटना, आरोपी मोकाट

तो आरोपी मनोरुग्ण नाहीच…

यादरम्यान पोलिसांनी सीसीटीव्ही कॅमेऱ्याच्या आधारे आरोपीचा शोध घेतला. पोलिसांच्या एका पथकाने मंगळवारी सापळा रचत चेंबूरमधील ३५ वर्षीय दिनेश गायकवाड याला अटक केली आहे. सुरुवातीला अज्ञात तरुण हा माथेफिरू, मनोरुग्ण असल्याचं बोललं गेलं होतं. मात्र पोलिसांच्या तपासात आरोपी मनोरुग्ण नसल्याचं समोर आलं आहे. तसंच तो एका कंपनीत कामाला असल्याचीही माहिती पोलिसांनी दिली. पोलिसांच्या चौकशीत आरोपीने तरुणीचे केस का कापले याचं धक्कादायक कारण दिलं.

तरुणीचे केस का कापले? आरोपीचं संतापजनक उत्तर

पोलिसांनी ताब्यात घेतल्यानंतर आरोपीने तरुणीचे केस कापल्याबद्दल संतापजनक कारण दिलं आहे. महिलांचे लांब केस आवडत नाही, असं सांगत त्याने तरुणीचे केस कापल्याचं सांगितलं.

महत्त्वाची बाब म्हणजे आरोपीने याआधीही एका महिलेचे केस कापले होते. मागील वर्षात ऑगस्ट २०२४ मध्ये त्याने एका महिलेचे केस कापले होते. सध्या पोलिसांकडून आरोपीची कसून चौकशी सुरू आहे.