Police Constable Murder Solve: नवी मुंबईतील रबाळे घणसोली दरम्यान एका व्यक्तीला लोकलपुढे ढकलून हा अपघात आहे असं भासवण्याचा प्रयत्न करण्यात आला होता. मात्र, मटरमनने ते सर्व पाहिलं आणि पोलीस हवालदाराच्या हत्येचं गूढ उकललं आहे.
याबाबत सविस्तर माहिती अशी की, नवीन वर्षाच्या पहिल्याच रात्री म्हणजे बुधवारी (१ जानेवारी) पहाटे ५.२५ ते ५.३२ च्या सुमारास दोन अज्ञातांनी विजय चव्हाण यांचां गळा आवळून खून करून त्यांचां मृतदेह हा रबाळे ते घणसोली दरम्यान लोकलसमोर ढकलून अपघात असावा असे भासविण्याचा प्रयत्न केला होता. मात्र समोरुन येणाऱ्या लोकल ट्रेनच्या मोटर मनने वाशी रेल्वे पोलिसांना संपर्क करून याबाबत सांगितले होते. त्यामुळे आरोपींनी केलेले अपघाताचा बनाव उघड झाला होता.
वाशी रेल्वे पोलिसांकडे कोणत्याही प्रकारचा पुरावा नव्हता. यावेळी तांत्रिक तपास करत असताना मयत विजय चव्हाण यांच्या मोबाईलमधून पेटीएमद्वारे एका भुर्जीपाव वाल्याला २४ रुपयांचा ऑनलाईन पेमेंट करण्यात आला होता आणि यामुळे या हत्येचे गूढ उकलले.
पूजाचे भूषण ब्राम्हणे याच्यासोबत विवाहबाह्य संबंध होते. या प्रेमसंबंधात विजय अडथळा ठरत असल्याने तिने आपल्या पतीचा काटा काढण्याचा निर्णय घेतला. प्रियकर भूषण आणि मामेभाऊ प्रकाशच्या मदतीने हत्येचा मास्टर प्लॅन तयार केला. प्रकाशने विजय यांच्या सोबत ‘थर्टीफर्स्ट’च्या पार्टीचे नियोजन केले. त्यानुसार सायंकाळी विजय आणि प्रकाश यांनी पार्टी केली. त्यानंतर त्यांनी बाजूलाच असलेल्या हातगाडीवर भुर्जी घेऊन ते गाडीत बसले.
यानंतर ठरल्याप्रमाणे गाडीमध्ये आधीपासून हजर असलेल्या प्रियकर भूषण आणि प्रविण याने गळा आवळून त्यांची हत्या केली. आरोपींनी त्यांचा मृतदेह ट्रान्स-हार्बर मार्गावर पहाटेच्या सुमारास टाकून अपघात असल्याचा बनावा करण्याचा प्रयत्न केला. मात्र, मोटारमनच्या सतर्कतेने या हत्येचा कट उलगडला.
चव्हाण यांच्या हत्या प्रकरणाबाबत रेल्वे पोलिसांकडे कुठल्याही प्रकारचे ठोस पुरावे नव्हते. त्यामुळे पोलिसांनी तांत्रिक तपास केला असता, त्या दिवशी रात्रीच्या सुमारास विजय चव्हाण यांच्या गुगल पेवरुन घणसोलीत २४ रुपयांमध्ये भुर्जीपाव घेतल्याची व्यवहाराची माहिती पोलिसांना मिळाली. सदर माहितीच्या आधारे भुर्जीपावच्या गाडीचे ठिकाण गाठले. त्यानंतर पोलिसांनी नजीकच्या सीसीटीव्हीची पाहणी केली असता, विजय सोबत मामेभाऊ प्रकाश असल्याचे आढळून आले. त्यामुळे पोलिसांनी प्रकाशला ताब्यात घेऊन त्याची चौकशी केली असता. या गुन्हयाची कबुली दिली.
चव्हाण यांची पत्नी पूजा चव्हाण (वय ३५) हिचा प्रियकर भूषण निंबा ब्राह्मणे (वय २९) याने ही हत्या केल्याचे प्राथमिक तपासात समोर आले आहे. तर पूजाला मदत करणारा मामेभाऊ प्रकाश उर्फ धीरज चव्हाण (वय २३) आणि प्रविण पान-पाटील (वय २१) या चौघांना वाशी रेल्वे पोलिसांनी अटक करून अधिक तपास करीत असल्याची माहिती वाशी रेल्वे पोलिसांनी दिली आहे.
लेखकाबद्दलनुपूर उप्पलनुपूर उप्पल, महाराष्ट्र टाइम्स ऑनलाईन टीममध्ये डिजिटल कंटेंट प्रोड्युसर म्हणून कार्यरत आहेत, याआधी टीव्ही ९ मराठी, साम टीव्ही, इन मराठी वेबसाईटसाठी काम केलंय. डिजिटल पत्रकारिता क्षेत्रात ७ वर्षांचा अनुभव. राजकीय, सामाजिक लिखाणाची आवड. गुन्हेगारीसंबंधित, विज्ञानविषयक बातम्यांमध्ये हातखंडा… आणखी वाचा