बीडच्या मस्साजोगचे सरपंच संतोष देशमुख प्रकरणात मंत्री धनंजय मुंडे….यांचे निकटवर्तीय वाल्मिक कराड यांना अटक झाली आहे. या अटकेनंतर आता विरोधकांकडून धनंजय मुंडे यांच्या राजीनाम्याची सुरु आहे. दरम्यान आज धनंजय मुंडेंनी पक्षाचे नेते आणि उपमुख्यमंत्री अजित पवारांची भेट घेतली. दोघांमध्ये जवळपास एक तास बीड प्रकरणावर चर्चा झाल्याचे विश्वसनीय सूत्रांनी सांगितले.या भेटीनंतर त्यांनी माध्यमांशी बोलताना विविध प्रश्नांवर उत्तरे दिली आहेत.ते म्हणाले, आमच्या दोघांत राजीनाम्यावर शब्दानेही चर्चा झाली नाही. मुख्यमंत्र्यांनी चौकशी समिती नेमली आहे. तपास चालू आहे, तपास होऊ द्या. तपासानंतर ज्या गोष्टी समोर येतील, त्यानंतर ठरवू, असे धनंजय मुंडे यांनी सांगितले.