ताज हॉटेलमध्ये चेक करत असताना MH 01 EE 2388 अशा नंबर प्लेट असलेल्या २ गाड्या आढळून आल्या. याची माहिती पोलिसांना देण्यात आली. त्यानंतर चौकशी सुरु झाली. त्यातून धक्कादायक माहिती उघडकीस आली. साकीर अली यांच्या कारला आरटीओनं MH 01 EE 2388 क्रमांक दिला. पण याच क्रमांकाचं आणखी एक वाहन रस्त्यावर फिरत असल्याचं ६ महिन्यांपूर्वी त्यांच्या लक्षात आलं.
…तोपर्यंत मुंडेंचा राजीनामा नाही! ‘त्या’ भेटीनंतर दादांचा निर्णय; दमानियांनी लाज काढली
कारच्या नंबर प्लेटमध्ये फेरफार करुन आरोपीनं तो MH 01 EE 2388 असा केला. त्याचा मिळालेला क्रमांक MH 01 EE 2386 असा होता. पण कारचे हफ्ते थकले असल्यानं बँकचे कर्मचारी कार ताब्यात घेतील, अशी भीती त्याला वाटत होती. म्हणून त्यानं कारचा नंबर बदलण्याची शक्कल लढवली. त्यानं नंबर प्लेटवरील शेवटचा 6 आकडा 8 असा केला.

डुप्लिकेट नंबर प्लेट वापरणाऱ्या कारनं सहा महिन्यांपूर्वी वाहतूक नियमांचं उल्लंघन केलं. त्यामुळे त्याचं चलान मूळ नंबर प्लेट लावणाऱ्या साकीर अली यांना आलं. त्यानंतर त्यांना संशय आला. याबद्दलची तक्रार त्यांनी कफ परेड पोलीस ठाण्यात केली. पण या प्रकरणात कोणतीच कारवाई झाली नाही. मात्र आज दोन्ही कार समोरासमोर आल्या आणि बोगस नंबर प्लेट वापरणाऱ्याचा पर्दाफाश झाला.
हत्येनंतर घुले भिवंडीत, हॉटेलात लपण्याची योजना; मालकामुळे प्लान फसला, थेट मेसेजच दाखवला
साकीर अली यांनी ६ महिन्यांपूर्वीच आरटीओकडे तक्रार दाखली केली होती. साकीर अली यांचा टूर्स आणि ट्रॅव्हल्सचा व्यवसाय आहे. डुप्लिकेट नंबरच्या कारमुळे त्यांना मनस्ताप सहन करावा लागला. अखेर आज दोन कार एकाचवेळी आढळून आल्यानं आरोपी अगदी अलगद तावडीत सापडला.