सध्या सर्वाधिक गंभीर परिस्थिती इंदापूर परिसरातील रखडलेल्या बायपासवर पाहायला मिळत आहे. मुंबईकडे परतणाऱ्या वाहनांची या ठिकाणी अनेक किलोमीटर लांब रांग लागली आहे. प्रवाशांना तासंतास वाहतूक कोंडीत अडकून पडावे लागत आहे. गणेशोत्सवासाठी कोकणात आलेल्या लाखो चाकरमान्यांच्या परतीच्या प्रवासाचा या कोंडीने अक्षरशः खोळंबा केला आहे.

Maharashtra Rain : अचानक वातावरणात बदल होणार, यंदाच्या पावसाळ्यातील सर्वात मोठा पाऊस पडणार, पंजाबराव डख यांचा अंदाज

रुग्णवाहिका वाहतूक कोंडीत अडकली

या वाहतूक कोंडीचे गांभीर्य यावरून स्पष्ट झाले की, रुग्णाचा जीव वाचवण्यासाठी निघालेली ॲम्ब्युलन्सही कोंडीत अडकली. वाहतूक कोंडीतून पुढे जाण्यासाठी चालकाला अक्षरशः धडपड करावी लागत असल्याचे चित्र समोर आले. त्यामुळे आता केवळ प्रवाशांचाच वेळ वाया जात नाही, तर आपत्कालीन परिस्थितीत रुग्णांच्या जीवितालाही धोका निर्माण होण्याची शक्यता व्यक्त केली जात आहे.

मुंबई-गोवा महामार्ग प्रकल्पाच्या खर्चात ४८ टक्क्यांनी वाढ

दरम्यान, मुंबई-गोवा महामार्गाच्या रखडपट्टीबाबत माहितीच्या अधिकारातून समोर आलेली आकडेवारीही धक्कादायक आहे. महाराष्ट्रातील NH-66 च्या ३५५ किलोमीटर चौपदरीकरणासाठीच्या १० पॅकेजची मूळ मंजूर किंमत ११,४०९.१४ कोटी रुपये होती. ती आता वाढून १६,९०९.२२ कोटी रुपयांवर पोहोचली आहे. म्हणजेच प्रकल्पाच्या खर्चात सुमारे ५,५०० कोटी रुपये अर्थात जवळपास ४८ टक्क्यांची वाढ झाली आहे.

Nashik Politics : एकनाथ शिंदेंची शिवसेना तालुकाप्रमुखांना देणार 14 बुलेरो गाड्या, पदाधिकाऱ्यांमध्ये आनंदाचे वातावरणविशेष म्हणजे, आतापर्यंत या प्रकल्पावर ११,५७७ कोटी रुपये खर्च झाल्याचे RTIमधून समोर आले आहे. तरीदेखील महामार्गाचे अनेक भाग अद्याप अपूर्ण आहेत. चिपळूण-रत्नागिरी परिसरातील परशुराम घाट–आरावली या पॅकेजच्या खर्चात तर १२६ टक्क्यांची वाढ झाली असून, त्याची किंमत ९८३ कोटींवरून २,२२६ कोटी रुपयांवर गेली आहे.

प्रकल्पाला इतका विलंब का?

भूसंपादन, विविध परवानग्या, कंत्राटदारांच्या अडचणी आणि अन्य कारणांमुळे प्रकल्पाच्या कामाला विलंब झाल्याचे संबंधित वृत्तांत नमूद आहे. मात्र वाढता खर्च आणि अपूर्ण कामाचा थेट फटका दरवर्षी कोकणात येणाऱ्या आणि परतीच्या प्रवासाला निघणाऱ्या लाखो प्रवाशांना सहन करावा लागत आहे.

Satara News : संचालकांना थेट चप्पला आणि लाडू फेकून मारलेले, सह्याद्री कारखान्यातील 28 वर्षांपूर्वीची घटना चर्चेतजनतेच्या पैशातून हजारो कोटी रुपये खर्च होऊनही प्रवासाचा वेळ कमी होण्याऐवजी वाहतूक कोंडी, खड्डे आणि अपूर्ण रस्त्यांमुळे प्रवाशांचा त्रास कायम आहे. त्यामुळे “मुंबई-गोवा महामार्गाचा हा वनवास आणखी किती वर्षे चालणार?” असा सवाल आता कोकणवासीयांकडून उपस्थित केला जात आहे.