नोंदणी केल्यानंतर महिलांच्या मोबाईलमध्ये लाडली बहीण योजनेच्या ऐवजी भाजप सदस्य नोंदणी झाल्याचा मॅसेज आला असा आरोप महिलांनी केला. आपली फसवणूक झाल्याचे लक्षात आल्यानंतर महिलांकडून संताप व्यक्त करत आयोजकाला जाब विचारण्यात आला, पण आयोजकाने योग्य उत्तर काही दिले नाही. दरम्यान सदस्य वाढीसाठी भाजपकडून लढवण्यात आलेल्या या शक्कलीची नांदेडमध्ये जोरदार चर्चा सुरु आहे.

दरम्यान, नांदेड दक्षिणमध्ये भाजपाच्या सदस्य नोंदणीला चांगला प्रतिसाद मिळत आहे. भाजपचे प्रदेश कार्यकारिणी सदस्य तथा नांदेड दक्षिण विधानसभा प्रमुख बाळू खोमणे यांच्या नेतृत्वात सदस्य अभियान मोहीम राबवली जातं आहे. रविवारी सराफा भोजालाल गवळी चौक येथे या मोहिमेचा शुभारंभ करण्यात आला. यावेळी सदस्य नोंदणीसह ऑटो आणि प्रतिष्ठाण तसेच घरावर स्टिकर्स लावण्यात आले. यावेळी प्रदेश कार्यकारिणी सदस्य चैतन्य बापू देशमुख, अमोल कुलथिया, मंडळ अध्यक्ष पुरभाजी कोमटवार, राज यादव, बालाजी पुणेकर यांच्या सह भाजप कार्यकर्ते उपस्थित होते.15 जानेवारी पर्यंत ही मोहीम राबवली जाणार आल्याचे बाळू खोमणे यांनी सांगितले