Santosh Deshmukh Murder Case Update : बीडच्या केज तालुक्यातील मस्साजोग गावचे सरपंच संतोष देशमुख यांच्या हत्येप्रकरणी अनेक धक्कादायक खुलासे होत आहेत. संतोष देशमुखांच्या हत्येतील फरार आरोपींपैकी २ आरोपींना तब्बल २६ दिवसानंतर अटक करण्यात आली आहे. याप्रकरणी आता अटकेतील आरोपी प्रतीक घुलेची पोस्ट तुफान चर्चेत आहे.
‘नाव खराब केल्याने नाव संपत नस्तय भुरट्या… बाप हा बापच असतो #सुदर्शन भैय्या घुले #3333 #विरोधकांचा बाप’ अशी खळबळजनक पोस्ट प्रतिक घुलेने केली होती. या #3333 या नंबरचं एक नवं कनेक्शन समोर आलं आहे. ज्या स्कॉर्पिओ गाडीतून देशमुखांचे अपहरण करण्यात आले, त्या गाडीचा नंबर 333 असा होता. आणि प्रतीक घुलेनेही ज्या दिवशी देशमुखांची हत्या करण्यात आली, त्याचदिवशी त्याने आपल्या सोशल मिडिया हँडलवर ही पोस्ट केली. अपहरण केलेल्या दिवशीच त्यांना गाडीमध्ये अमानुषपणे मारहाण करण्यात आली. त्यानंतर क्रूर पद्धतीने त्यांना टॉर्चर करून त्यांची हत्या करण्यात आली होती.
दरम्यान पोलिसांनी तपासाची चक्र फिरवत फरार आरोपींपैकी दोघांना अटक केली आहे. याप्रकरणी आतापर्यंत पाच जणांना अटक करण्यात आली असून दोन जण अद्याप फरार आहे. पोलिसांनी अटक आरोपींना कोर्टात हजर केले आहे. कोर्टातील सुनावणीला सुरुवात झाली आहे.
लेखकाबद्दलविमल पाटीलविमल पाटील, महाराष्ट्र टाइम्स ऑनलाईनमध्ये कंसल्टंट म्हणून कार्यरत आहे. याआधी सामना, आरएनओ वृत्तसंस्थेमध्ये रिपोर्टर म्हणून काम केलं आहे. पत्रकारिता क्षेत्रात तीन वर्षांचा अनुभव आहे. राजकीय आणि विश्लेषणात्मक बातम्या लिहण्याची आवड.… आणखी वाचा