फक्त सातवीपर्यंत शिक्षण घेतलेला २६ वर्षांचा सुदर्शन केज तालुक्यातील टाकळी गावचा रहिवासी होता. मात्र तो मोस्ट वाँटेड गुन्हेगार कसा झाला, याबद्दल गावकऱ्यांनी माहिती दिली आहे.

शाळा सोडल्यानंतर त्याला गुंडगिरीचा नाद लागला. या काळात तो विविध राजकीय नेत्यांसोबत फिरायचा, सांगितली जातील ती कामं करायचा आणि पैसे कमवायचा. नेत्यांच्या सांगण्यावरून कोणालाही धमकावणं, मारहाण करणं ही कामं तो करत असल्याचं गावकऱ्यांनी सांगितलं, असं वृत्त ‘सरकारनामा’ वेबसाईटने दिलं आहे.
Uddhav Thackeray : ठाकरेंना अखेर धक्का बसलाच, एकामागून एक नेत्यांनी शिवबंधन सोडलं, शिवसेनेत प्रवेश

वडिलांचं निधन

सुदर्शन घुलेच्या वडिलांच्या मृत्यूनंतर त्याच्या आईनेच त्याचं संगोपन केलं. त्याचं साधं पत्र्याचं घर होतं. तर एक काळ्या रंगाची स्कॉर्पिओ कारही आहे. मात्र ती त्याच्या मालकीची आहे की कोणी दिली? याबाबतची माहिती मिळू शकलेली नाही. केजमधील एका नेत्याच्या सांगण्यावरुन तो काम करायचा, असं घुलेच्या निकटवर्तीयांनी सांगितलं.
Suresh Dhas : संतोष देशमुख प्रकरणातील फरार आरोपी पुण्यातून ताब्यात, सुरेश धस म्हणाले अजून एक राहिला ना…

सुरेश धस यांचे दावे काय?

सुदर्शन घुले हा काही मुख्य आरोपी नाही, तो फक्त एक प्यादं आहे. मुख्य आरोपी पोलिसांनी शोधला पाहिजे. मुख्य आरोपी आका आहे. ज्यांचा उल्लेख मी आका असा करतो, तो संतोष देशमुख हत्या प्रकरणातील मुख्य आरोपी आहे. सुदर्शन घुलेला फक्त सांगितलं, जाओ ऐसा ऐसा करो. सुदर्शन घुले फक्त अंमलबजावणी करणारा आहे, असं भाजप आमदार सुरेश धस म्हणाले.

दरम्यान, सरपंच संतोष देशमुख हत्या प्रकरणाची चौकशी करण्यासाठी स्थापन करण्यात आलेल्या विशेष चौकशी पथकात (एसआयटी) पोलिस अधिकारी आणि कर्मचाऱ्यांची नियुक्ती करण्यात आली आहे. पोलिस अधिकारी-कर्मचाऱ्यांच्या नियुक्तीमुळे हत्येच्या चौकशीला गती मिळणार आहे.