वाल्मिक कराड हा हात जोडत सीआयडी ऑफिसच्या पायऱ्या चढला. यावेळी माध्यमांच्या प्रतिनिधींनी त्याला गराडा घातला होता. याशिवाय सीआयडी अधिकारी आणि कराडच्या कार्यकर्त्यांचीही गर्दी होती.

सीआयडी अधिकाऱ्यांनी काय सांगितलं?

या प्रकरणात सीआयडीच्या तपासाला वेग आला आहे. तपास पथकाने संतोष देशमुख यांच्या हत्येच्या घटनेनंतर आरोपींनी गाडीत सोडलेले दोन स्मार्टफोन जप्त करून तांत्रिक विश्लेषणासाठी पाठवले आहेत, तसेच गुन्ह्यात वापरलेली चारचाकीचीही तपासणी केली जात आहे, तसेच अनेकांची चौकशी केली आहे.
Walmik Karad : मी वाल्मिक कराड, न्यायदेवता देईल ती शिक्षा भोगण्यास तयार; स्वतःच Video शेअर करत पोलिसांना शरण
या गुन्ह्याच्या तपासादरम्यान दोन स्मार्टफोन जप्त केल्यानंतर गेल्या २४ तासात अनेक लोकांची चौकशी करण्यात आली आहे. आणखी लोकांची चौकशी केली जाणार आहे, तसेच मोबाईल फॉरेन्सिक तपासणीसाठी पाठवण्यात आला असून, चारचाकीचीही तपासणी सुरू आहे, असे सीआयडीच्या एका अधिकाऱ्याने सांगितले.

Walmik Karad : ज्योती जाधव ही वाल्मिक कराडची दुसरी बायको, संतोष देशमुख यांच्या भावाचा खळबळजनक दावा

वाल्मिक कराडच्या व्हिडिओमध्ये काय?

मी वाल्मिक कराड, बीड जिल्ह्यात केज पोलीस स्टेशनला खोटी खंडणीची फिर्याद दाखल झालेली आहे. मला अटकपूर्वचा अधिकार असतानाही, सीआयडी ऑफिस, पाषाण रोड, पुणे येथे मी सरेंडर होत आहे. मस्साजोगचे सरपंच संतोष भैया देशमुख यांचे जे कोणी मारेकरी असतील त्यांना अटक करावी आणि फाशीची शिक्षा द्यावी, राजकीय द्वेषापोटी माझं नाव याच्याशी जोडलं जात आहे. पोलीस तपासात जे निष्कर्ष येतील आणि मी त्यात दोषी आढळलो, तर न्यायदेवता जी शिक्षा देईल, ती भोगायला मी तयार आहे, असं वाल्मिक कराड यांनी शरणागती पत्करण्यापूर्वी व्हिडिओ शेअर करत सांगितलं.