पश्चिम महाराष्ट्र हा ऊस उत्पादकांसाठी ओळखला जाणारा भाग आहे. कोल्हापूरसह पश्चिम महाराष्ट्रात सर्वाधिक साखर कारखाने आहेत. सध्या साखर हंगाम सुरू असल्याने मराठवाड्यातून कोल्हापुरात अडीच हजारहून अधिक कुटुंब ऊस तोडणीसाठी दाखल झाले आले आहेत. मात्र त्यांच्यासोबत आलेल्या लहान मुलांना शिक्षणापासून वंचित राहावं लागतंय. यामुळे ऊसतोड कामगारांची मुलं सुद्धा ऊस तोडच करणार का असा प्रश्न विचारला जातोय. ऊसतोड कामगारांच्या मुलांच्या शिक्षणासाठी आता अवनी संस्थेने पुढाकार घेतला आहे. मात्र सरकारने देखील पुढे येऊन उपाययोजना करणं गरजेचं आहे. अशातच या संदर्भात पर्यावरण मंत्री पंकजा मुंडे यांनी दखल घेत ऊसतोड मजुरांची मुलं शिक्षणापासून वंचित राहणार नाही यासाठी आम्ही प्रयत्न करणार असल्याचं म्हटलंय.