मोहिनी वाघचा दावा काय?

सतीश वाघ माझाही गेल्या दहा वर्षांपासून शारीरिक आणि मानसिक छळ करत होते, हा सर्व त्रास असह्य झाला होता, असे मोहिनी म्हणाली. हत्येचे मुख्य आरोपी अक्षय जावळकर आणि मोहिनी वाघ यांची समोरासमोर चौकशी करायला पोलिसांनी सुरुवात केली आहे. यावेळी सतीश वाघ यांच्यावर मोहिनी वाघने छळ आणि अनैतिक संबंधांचे आरोप केले.

सहा महिन्यांपासून हत्येचा कट

धक्कादायक म्हणजे, मागील सहा महिन्यापासून मोहिनी पती सतीश वाघ यांना संपवण्यासाठी प्लॅन करत असल्याचेही समोर आले आहे. आपल्या परिचयातील एका व्यक्तीकडे तिने सतीश यांना संपवण्यासाठी विचारणा देखील केली होती. अखेर अक्षय आणि मोहिनी यांनी प्लॅन करून सतीश वाघ यांना संपवलं. अक्षयने पाच लाखांची सुपारी मारेकऱ्यांना दिली होती.
Satish Wagh Murder : अक्षय-मोहिनी प्रेमसंबंध, मामाचा अडथळा; काटा काढताना ७२ वेळा वार, गुप्तांगही कापलं, कारण काय?

सतीश वाघ यांचं गुप्तांग कापलेलं

सतीश वाघ यांचे ९ डिसेंबरला पहाटे साडेसहा वाजताच्या सुमारास अपहरण करण्यात आले होते. एका प्रत्यक्षदर्शीने ही घटना पाहून लगेच वाघ कुटुंबियांना याविषयी माहिती दिली. वाघ यांच्या अंगावर चाकूने ७२ वेळा वार करण्यात आले होते. मारेकरी एवढ्यावरच थांबले नाहीत, तर त्यांनी सतीश वाघ यांचे गुप्तांगही कापले होते.

Mohini Wagh : माझ्या नवऱ्याचा जीव घेशील का? अक्षयच्या आधी मामीने ‘त्याला’ही विचारलेलं, सहा महिन्यात काय घडलं?

मुलाच्या वयाच्या अक्षयसोबत मोहिनीचे शारीरिक संबंध

सतीश वाघ यांच्याकडे २००१ ते २०१६ या कालावधीत राहत असलेला भाडेकरू अक्षय जवळकर याला धाराशिवमधून अटक करण्यात आली. उलट तपासणीत सतीश वाघ यांची पत्नी मोहिनीने पतीच्या हत्येचे कट कारस्थान रचल्याचे समोर आले. तिने गुन्ह्यातील सहभागाची कबुलीही दिली. इतकंच नव्हे, तर अक्षय जवळकर याच्यासोबत तिचे दहा वर्षांपासून अधिक काळ अनैतिक संबंध असल्याचेही पुढे आले.