North Maharashtra Unseasonal Rain: उत्तर महाराष्ट्रात नाशिक, जळगाव व नंदुरबार जिल्ह्यांत जोरदार वाऱ्यासह अवकाळी पावसाने हजेरी दिली. जळगाव शहरात अवघ्या २० मिनिटांत १० मिलिमीटर पावसाची नोंद झाली.
हायलाइट्स:
- विदर्भ, उत्तर महाराष्ट्रात अवकाळी पावसाचा फटका
- जळगाव जिल्ह्यात गारपीट; शेतकरी हवालदिल
- विदर्भात वादळी पाऊस
Pune News : भंगारातील फ्रीज तोडताना क्रॉम्प्रेसर गॅसचा स्फोट, पुण्यात हाहाःकार, एकाचा मृत्यू, परिसरात घबराटविदर्भात वादळी पाऊस
विदर्भातील जवळपास सर्वच जिल्ह्यांना वादळी पावसाने झोपडून काढले. नागपुरात सायंकाळी सहानंतर अनेक ठिकाणी वादळी पावसाची हजेरी लागली. तसेच अकोला, अमरावती, बुलढाणा व वर्धा येथे तर जोरदार पाऊस झाला. नागपूरसह वाशिम, यवतमाळ व गोंदिया येथे विजांच्या कडकडाटासह वादळी पाऊस झाला. आज, शनिवारीसुद्धा विदर्भात वादळी पावसाचा अंदाज आहे. वातावरणातील या बदलांमुळे थंडीत अचानक वाढ होण्याची शक्यता आहे.
शेतकऱ्यांमध्ये चिंता
अनेकभागात शुक्रवारी सायंकाळी सलग दुसऱ्या दिवशी अवकाळी पावसाने हजेरी लावल्याने बाजारपेठांतील विक्रेते, व्यावसायिक, खरेदीसाठी बाहेर पडलेल्या नागरिकांची तारांबळ उडाली. तर, पावसामुळे परिसरातील शेतकऱ्यांमध्ये विशेषत: द्राक्षे व कांदा उत्पादकांमध्ये चिंतेचे वातावरण आहे.