दहशतवादी पथकाला गोपनीय माहिती मिळाली

मोहोळ पोलीस ठाण्यात दाखल झालेल्या फिर्यादीनुसार सोलापूर पुणे महामार्गावर असलेल्या चिंचोळीकाटी एमआयडीसी येथील परिसरात बांगलादेशी तरुण विनापरवाना राहत असल्याची माहिती मिळाली होती. मिळालेल्या माहितीनुसार सोलापूर दहशतवादी पथकाने कारवाई केली आहे. चिंचोळीकाटी एमआयडीसी येथे तीन बांगलादेशी तरुण आढळून आले आहेत.
भीक मागण्याचं ठिकाण फिक्स, स्लीपर कोचने प्रवास करायचा; तपासात आढळले हजारो रुपये

या संशयीत तरुणांकडे आवश्यक कागदपत्रे उपलब्ध नाहीत

सोलापूर पोलिसांनी आणि सोलापूर एटीएस पथकाने संशयीत व्यक्तीकडे पासपोर्ट किंवा व्हिजा यासह भारतात रहिवास करण्यासाठी लागणाऱ्या परवानगीच्या आवश्यक कागदपत्रांची मागणी केली होती. परंतु त्यांच्याकडे कोणतेही कागदपत्रं आढळून आले नाहीत. उलट त्यांच्याजवळ आधार कार्ड आणि मोबाईल आढळून आला. त्या तिघांनाही आधार कार्ड सोलापुरातील एका एजंटकडून बनवून घेतल्याची पोलिसांना माहिती मिळाली आहे. त्यादृष्टीने पुढील तपास सुरू आहे.
Raigad News : आनंदाचा क्षण दु:खात बुडाला, पुण्यातील शिक्षकासोबत काशीद समुद्रावर अनर्थ घडला

तिघांना ताब्यात घेऊन तपास सुरू

१) चंचल विष्णुदेव उर्फ विश्वनाथ रॉय उर्फ पहन (वय २९ वर्षे, सध्या रा. एमआयडीसी चिंचोलीकाटी सोलापूर, मुळ रा. बेनीपूर गांव, पोस्ट कटला, तहसिल कटला जिल्हा दिनासपूर देश बांग्लादेश),
२) रजा हुजूरअली हुसेन (वय ३८ वर्षे सध्या रा. एमआयडीसी, चिंचोळीकाटी, मूळ रा. कटला गांव, तहसिल कटला जिल्हा दिनासपूर देश बांग्लादेश),
३) मीनल शनिचेरा टुडू (वय ३० वर्षे सध्या रा. एमआयडीसी, चिंचोळीकाटी, मूळ रा. फुलयोनी हॅमरस, डंगापाडा तहसिल कटला जि. दिनासपूर देश बांग्लादेश) अशी तीन संशयीतांची नावं आहेत. या तिघांनाही कोर्टात हजर करून पोलीस तपास सुरू करण्यात आला आहे. पोलिसांकडून या तिघांविषयी अधिक माहिती घेतली जात आहे.