मंत्रीमंडळात स्थान न मिळाल्याने राष्ट्रवादी अजित पवार गटाचे जेष्ठ नेते छगन भुजबळ हे नाराज आहेत. या नाराजीनंतर भुजबळ यांनी आज मुख्यमंत्री देवेंद्र फडणवीस यांची भेट देखील घेतली. भुजबळ हे वेगळा पर्याय शोधत असतील म्हणून त्यांनी मुख्यमंत्री देवेंद्र फडणवीस यांची भेट घेतली असेल. पण भुजबळ हे निर्णय काय घेतील हे ओबीसी समाज ठरवणार आहे. महायुतीच्या नेत्यांनी त्यांचा केवळ वापर केलाय असं वड्डेटीवार म्हणाले. छगन भुजबळ यांनी पद आणि सत्तेसाठी वेगळा निर्णय न घेता ओबीसीच्या चळवळीसाठी घ्यावा असा सल्ला त्यांनी दिला. जर असा निर्णय घेत असतील तर आम्ही त्यांच्या सोबत राहणार असं देखील वड्डेटीवार म्हणाले.
शेतकऱ्याकडून आत्महत्येचा इशारा, पोलिसांनी रोखलं; पण आता शेतकऱ्याकडेच १० लाखांची मागणी, प्रकरण काय?

पालकमंत्रीसाठी महायुतीत हुतुतू

मंत्री मंडळातील मंत्र्याना खाते वाटप करण्यात आले. मात्र आता पालकमंत्रीसाठी महायुतीच्या मंत्र्यामध्ये रस्सीखेच सुरु आहे. यावरून विजय वड्डेटीवार यांनी सरकारवर टीका केली. पालक मंत्रीसाठी महायुतीमध्ये आता हुतूतू खेळ सुरू आहे. पालकमंत्री पण एक वर्षासाठी आणि रोटेशन पद्धतीने करा, सगळ्यांना मोठ्या जिल्ह्याचे पालकमंत्री व्हायचे आहे. हे सगळे लुटारू आहेत, महाराष्ट्राला लुटण्यासाठी आणि बर्बाद करण्यासाठी आहे. सरकार स्थापन झाल्यापासून सुरूच आहे, अशी टीका काँग्रेस नेते विजय वड्डेटीवार यांनी केली.
राहुल गांधी म्हणजे बिघडलेली केस, परभणी प्रकरणात राजकारण सुरुये; चंद्रशेखर बावनकुळेंची टीका

धनंजय मुंडे यांना बाजूला करून चौकशी करा.. दूध का दूध पाणी का पाणी होईल

संतोष देशमुख हत्याकांड प्रकरणी विजय वड्डेटीवार यांनी सरकारवर निशाणा साधला. हत्याकांडाचा मुख्य सूत्रधार वाल्मिक कराड आहे आणि त्याचे मंत्र्यांशी संबंध आहेत, याची निष्पक्ष चौकशी केली, तर धागेदोरे मंत्र्यापर्यंत जातील. धनंजय मुंडे जोपर्यंत मंत्री पदावर आहेत, तोपर्यंत संतोष देशमुख हत्याकांडाची निष्पक्ष चौकशी होणार नाही. त्यामुळे धनंजय मुंडे यांना बाजूला करावे अशी मागणी विजय वड्डेटीवार यांनी केली.

वाल्मिक कराड हा धनंजय मुंडे यांचा सहकारी आहे. त्यांच्या आणि त्यांच्या पत्नीच्या कंपनीमध्ये त्याची भागीदारी आहे. अशा व्यक्तीची चौकशी कशी होणार? असा प्रश्न वड्डेटीवार यांनी उपस्थित केला. धनंजय मुंडे यांना मंत्री पदापासून दूर कारून न्यायालयामार्फत चौकशी करावी, दूध का दूध पाणी का पाणी होईल असं देखील वड्डेटीवार म्हणाले.