निलेश राणे काय म्हणाले?

मंत्री नितेश राणे हे म्हणण्याची सवय आता आम्हाला लावली पाहिजे. नितेश राणे माझा लहान भाऊ असला, तरी तो माझा खरा मित्र आहे. तो लहान असल्यापासूनच हुशार आहे. तसा तो साधासुधा आहे. त्याने आपल्यामध्ये बरेच बदल घडवले आहेत. सतत काम करत राहणे हा त्याचा गुणधर्म आहे. त्यामुळे त्याला हे यश प्राप्त झाले आहे, असे निलेश राणे म्हणाले.

देव कोणालाही देताना विचार करून देतो. नितेश राणे यांना मंत्रीपद देण्यामागे देवाचा काहीतरी उद्देश असणारच, त्याच्यासारखा भाऊ मिळणे याला नशीब लागतं. नितेश राणे यांचे कौतुक करावं तेवढं कमी आहे. फार लोकांना जमलं नाही ते त्यांनी करून दाखविले. यामागे राणे फॅक्टर लागते असे सांगून त्याचा मला सार्थ अभिमान असल्याचे निलेश राणे म्हणाले.

राणे साहेबांना सुरुवातीच्या काळामध्ये जे खाते मिळाले होते, तेच खाते नितेश राणे यांना मिळाले आहे. ते कणकवलीमधून जिंकून आले होते. नितेश राणे सुद्धा कणकवलीमधून जिंकून आले, हा नियतीचा खेळ आहे की, आता पुन्हा एकदा राणे कुटुंबीय जिंकून आले आहेत आणि सत्तेत आहेत. २०१४ पासूनचा काळ हा आमच्यासाठी कठीण गेला. पण आता या जनतेची फक्त सेवा करायची आहे. पुन्हा एकदा नवा सिंधुदुर्ग बनवायचा आहे. यासाठी मंत्री नितेश राणे यांना जे सहकार्य लागेल ते आम्ही १०० टक्के देऊ, असा शब्द निलेश राणे यांनी दिला.
Yogesh Kadam : खेडमधील पुलाखाली भयंकर दृश्य, गृहराज्यमंत्री योगेश कदम अ‍ॅक्टिव्ह मोडवर, एसपींना महत्त्वाचे आदेश

नितेश राणे काय म्हणाले?

आता खरी गंमत आहे ती म्हणजे सिंधुदुर्ग जिल्ह्याच्या नियोजन बैठकीमध्ये तीन राणे आणि माजी मंत्री, आमदार दीपक केसरकर हे असणार आहेत. महायुतीचे हे सर्व लोकप्रतिनिधी असल्यामुळे अनेक अधिकाऱ्यांच्या पोटात गोळा येणार आहे. कारण आता आम्ही थांबणार नाही. कामं ही झाली पाहिजेत. खासदार नारायण राणे यांनी त्या काळात जो जिल्हा विकासाच्या प्रक्रियेत ठेवला होता, त्याच पद्धतीने आम्ही काम करत राहणार आहोत. कारण आता आपल्याला भक्कम असे आमदार, खासदार मिळाले आहेत, असे मंत्री नितेश राणे म्हणाले.
Sanjay Raut : राज-उद्धव एकत्र, संजय राऊतही सकारात्मक, ठाकरे बंधू घेतील तो निर्णय महाराष्ट्र मान्य करेल..
२०१४ ते २०२४ पर्यंत कुडाळ विधानसभेचा आवाज विधानसभेत ऐकायला येत नव्हता. पण आता आमदार निलेश राणे यांच्या माध्यमातून पहिल्या अधिवेशनात त्यांनी आपल्या कर्तृत्वाची झलक दाखवली आहे. अनेक मंत्री, अनेक आमदार यांनी माझ्याजवळ त्यांच्या कामगिरीचे कौतुक केले आहे, असे नितेश राणे म्हणाले.