विधानसभेतील विरोधी पक्षनेत्याबद्दल विचारले असता नाना पटोले म्हणाले, ‘विरोधी पक्षनेत्याबद्दल महाविकास आघाडीतील तिन्ही पक्ष बसून निर्णय घेऊ. लवकरच काँग्रेसच्या गटनेतेपदाचा निर्णयही होईल. त्यामुळे मुंबईत होणाऱ्या अर्थसंकल्पीय अधिवेशनात विरोधी पक्षनेता दिसेल.’बीड जिल्ह्यातील मस्साजोग सरपंच हत्याकांडात सत्ताधारी पक्षाचे आमदारच त्याठिकाणी असलेली परिस्थिती सभागृहात सांगत आहेत. तरीही मुख्यमंत्री देवेंद्र फडणवीस महायुतीतील सहकारी पक्षातील मंत्र्यांना वाचवण्याचा प्रयत्न करत आहेत. मंत्र्यांवर काही कारवाई केली, तर सहकारी पक्ष सोडून जातील का, अशी भीती मुख्यमंत्र्यांना वाटत असावी. म्हणूनच या प्रकरणात मंत्र्यांना वाचवण्यात येत असून त्यांच्याशी संबंधित असलेल्या वाल्मीक कराड अद्याप मोकाट असल्याचा आरोप विरोधकांकडून करण्यात आला.
जिथे अधिवेशन, तिथेच उपेक्षा; मुख्यमंत्री, केंद्रीय मंत्री नागपूरचे असल्याने मोठी अपेक्षा, पण…
हिवाळी अधिवेशनाचा शनिवारी समारोप झाल्यानंतर झालेल्या पत्रपरिषदेत विरोधकांनी सरकारवर आरोप केले. राज्यात माणुसकीला काळीमा फासणारी घटना घडली असताना मुख्यमंत्री या घटनेशी संबंध असलेल्या मंत्रिमंडळातील व्यक्तीचा बचाव करीत आहेत, असे सांगताना विधानपरिषदेचे विरोधी पक्षनेते अंबादास दानवे म्हणाले, ‘बीड येथील हत्याकांडाशी संबंधित असलेला वाल्मीक कराड हा नागपूरच्या आसपास असल्याची माहिती सभागृहात दिली. मात्र, यानंतर सरकारच्यावतीने किंवा पोलिस प्रशासनाचा कोणताही अधिकारी आपल्याकडे विचारणा करण्यासाठी आला नाही. कराड हा मंत्री धनंजय मुंडे यांच्या जवळचा आहे. कराड व मुंडे यांना वाचवण्याचा प्रयत्न मुख्यमंत्री करीत आहेत.’
अमित शाहांच्या आंबेडकरांबाबतच्या वक्तव्याचे विधानसभेत पडसाद, काँग्रेस नेते आक्रमक, माफी मागण्याची मागणी
काँग्रेस नेते नाना पटोले म्हणाले, ‘सरकारने गुंडगिरी पोसल्याचे परिणाम बीडमध्येही दिसले. पोलिसांमध्येही गुंडाराज आले आहे का? असा प्रश्न निर्माण होतो. परभणीत पोलिसांनी कोंबिंग ऑपरेशन केले, त्यात अनेकांना जबर मारहाण केली. सोमनाथ सूर्यवंशी यांचा मृत्यू पोलिस मारहाणीत झाला पण मुख्यमंत्री फडणवीस यांनी पोलिसांचा बचाव केला. परभणी प्रकरणात फक्त एका पोलिस अधिकाऱ्याची बदली करण्यात आली.

निष्णात वकिलाप्रमाणे मुख्यमंत्र्यांनी बीड प्रकरणात एका मंत्र्याला वाचवण्याचा प्रयत्न केला. मुख्यमंत्री आपली खुर्ची वाचवण्यासाठी मित्रपक्षांच्या मंत्र्यांना घाबरतात असे दिसते.’ मंत्रिमंडळ जाहीर झाल्यानंतरही खातेवाटप झालेले नाही. महायुतीत वरून सर्व ठीक दिसत असले तरी आत बरेच काही सुरू आहे, असे पटोले म्हणाले. विदर्भ व मराठवाड्याच्या जनतेला न्याय देण्यासाठी हिवाळी अधिवेशनात चर्चा होणे अपेक्षित होते. मात्र, असे काहीच झाले नाही. भाजप युती सरकार हे गरीब, तरुण, शेतकऱ्यांचे नाही तर मूठभर श्रीमंताचे आहे, अशी टीकाही पटोले यांनी केली. पत्रपरिषदेला शिवसेना उबाठाचे आमदार सचिन अहिर, सुनील प्रभू उपस्थित होते.