नवनीत कावत हे छत्रपती संभाजीनगर येथे पोलीस उपआयुक्त पदावर कार्यरत होते. कावत हे धडाडीचे आयपीएस अधिकारी म्हणून ओळखले जातात. त्यांची बीड जिल्ह्याचे पोलिस अधीक्षक म्हणून नियुक्ती झाल्याने सरपंच संतोष देशमुख हत्या प्रकरणाच्या तपासाला वेग येईल, अशी आशा व्यक्त केली जात आहे.

शरद पवार मस्साजोगमध्ये

दरम्यान, ज्येष्ठ नेते शरद पवार यांनी मस्साजोग येथे जाऊन पीडित कुटुंबीयांची भेट घेतली. हेलिकॉप्टरने बीडमध्ये दाखल झाल्यानंतर पवारांचा ताफा मस्साजोगला गेला. यावेळी देशमुख कुटुंबाचे सांत्वन करत शरद पवार यांनी संपूर्ण घटनाक्रम ऐकून घेतला. यावेळी राष्ट्रवादी काँग्रेस : शरदचंद्र पवार पक्षाचे बीडचे खासदार बजरंग सोनवणे, खासदार नीलेश लंके, माजी मंत्री राजेश टोपेही उपस्थित होते.
Dhananjay Munde : चक्रव्युहात अडकलेले धनंजय मुंडे अजितदादांच्या गाडीत; म्हणाले, संतोष देशमुखांना निर्घृणपणे संपवणाऱ्या आरोपींना फाशीच हवी

भावाची मागणी

मस्साजोग येथील सरपंच संतोष देशमुख यांच्या हत्येचे प्रकरण राज्यभरात गाजत आहे. या प्रकरणावर विधानसभेतही चर्चा झाली असून, मुख्यमंत्री देवेंद्र फडणवीस यांनी या प्रश्नांना उत्तर देताना एसआयटी नियुक्त करण्याची घोषणा केली. त्यावर प्रतिक्रिया देताना संतोष यांचे बंधू धनंजय देशमुख म्हणाले, ‘माझ्या भावाचा दिवसाढवळ्या खून झाला आहे. यातील चार आरोपी अटक झाले आहेत. त्यातील सर्व मारेकरी अद्याप जेरबंद झाले नाहीत. त्यांना तत्काळ जेरबंद करा. उद्या सायंकाळपर्यंत ते गजाआड असावेत, एवढीच माझी मागणी आहे.’
Kalyan News : मराठीद्वेष्ट्या अखिलेश शुक्लाची बायकोही जेरबंद, संपत्ती इतकी वारेमाप कशी? चौकशीची मागणी
‘माझ्या भावाचा जीव गेला आहे. त्याचा जीव घेणाऱ्यांना शिक्षा झाली पाहिजे आणि आम्हाला न्याय मिळाला पाहिजे, एवढीच माझी मागणी आहे. मुख्यमंत्र्यांनी विधानसभेत जे आश्वासन दिले, ते पूर्ण करावे.’ या प्रकरणी आरोपींना मोक्का लावण्याचे त्यांनी स्वागत केले आहे.