शिवसेना नेते तथा मंत्री उदय सामंत यांनी यापूर्वी उच्च व तंत्र शिक्षण खाते तसेच उद्योग मंत्री पदाची जबाबदारी सांभाळली होती. आता त्यांच्याकडे कोणत्या खात्याची जबाबदारी दिली जाते याची चर्चा आहे. अशातच त्यांना सार्वजनिक आरोग्यमंत्री पदाची जबाबदारी सामंतांकडे दिली जाण्याची शक्यता आहे. तर आदिती तटकरे यांच्याकडे पुन्हा एकदा महिला बालकल्याण या मंत्रालयाची धुरा येऊ शकते. शिवसेनेचे वाट्याला गृहनिर्माण व नगरविकास ही दोन महत्त्वाची खाती आली आहेत तर भाजपच्या पारड्यात गृहमंत्रालय, महसूल, सार्वजनिक बांधकाम, पर्यटन व ऊर्जा ही वजनदार खाती असणार आहेत.
छगन भुजबळ हाती मशाल घेणार का? संजय राऊतांंचं मोठे विधान, पाहा काय म्हणाले…
नितेश राणे हे कोकणातील भाजपाचा युवा चेहरा आहे. त्यांच्याकडे कोणत्या खात्याची जबाबदारी येते याकडेही अनेकांचे लक्ष आहे. शिवसेनेचे सगळ्यात युवा असलेले दापोली मतदारसंघाचे आमदार योगेश कदम यांनाही पहिल्यांदाच राज्यमंत्री म्हणून संधी दिली आहे. त्यांच्याकडेही कोणत्या खात्याचा पदभार देण्यात येतो, याचीही अनेकांना उत्सुकता आहे.

रायगडमध्ये दोन मंत्री, पालकमंत्री कोण ?

रायगड जिल्ह्यातून राष्ट्रवादीकडून आदिती तटकरे व शिवसेनेकडून भरत गोगावले यांनी मंत्रीपदाची शपथ घेतली आहे. मागच्या अडीच वर्षात भरत गोगावले यांना मंत्रीपदाची संधी मिळू शकलेली नव्हती. मात्र यावेळी गोगावले यांची कॅबिनेट मंत्रीपदी नियुक्ती झाली आहे. त्यामुळे आता रायगड जिल्ह्याचा पालकमंत्री कोण होणार? याचीही उत्सुकता आहे. गोगावले यांच्याकडे कोणत्या खात्याचा पदभार दिला जातो हेही पाहणं महत्त्वाचं ठरणार आहे. राष्ट्रवादीच्या मंत्री आदिती तटकरे यांना पालकमंत्री पद देण्यास शिवसेनेतील आमदारांचा विरोध आहे, त्यामुळे या पालकमंत्री पदाकडे अवघ्या कोकणाचे लक्ष लागले आहे.