सूत्रांनी दिलेल्या माहिती नुसार कल्याण पश्चिमेत आजमेरा हाईट्स/१, योगीधाम ही बिल्डिंग आहे. बुधवारी रात्री पावणे आठ वाजता लता बाळकृष्ण कळवीकट्टे (वय ५६ वर्षे) यांचे अखिलेश शुक्ला आणि त्याची पत्नी गीता शुक्ला यांच्याशी धुप अगरबत्ती लावल्याने आणि धुर झाल्याचे कारणावरून त्यांच्यात वाद सुरू होता. त्यावेळेस अखिलेश शुक्ला हा लता कळवीकट्टे यांना अपमानीत करत होता, “तुम मराठी गंदे लोग तुम मच्छी मटण खाते हो. झोपडपट्टी में रहो. तुम मराठी निच हो, तुम्हारी औकात नहीं है बिल्डिंग में रहने की,” असे अपमानित करून शुक्ला याने लता यांचीशी भांडण केले.

सदर भाडणं सोडवण्यासाठी बाजूचे राहणारे धीरज देशमुख मधे पडले आणि धीरज यांनी अखिलेश शुक्ला यांना म्हटलं की, तुमचे आणि काकुंचे भांडण आहे ते तुम्ही आपसात मिटवुन घ्या. पण सर्व मराठी लोकांना का अपमानीत करताय. यावेळी अखिलेश शुक्ला म्हणला की “मी मंत्रालयात कामाला आहे, तु मला मराठीचे सांगू नकोस तुझ्या सारखे ५६ मराठी लोक माझे समोर झाडू मारतात. एक मिनिट मै चिफ मिनिस्टर के ऑफिस से फोन करूंगा तो तुम्हारा पुरा मराठीपण निकल जायेगा. आधा घंटा रूक तेरा मर्डर कर देता हु” अशी धमकी दिली, अशी माहिती देशमुख यांनी पोलिसांना दिली आहे.
Mumbai Boat Accident: आई, गर्भवती पत्नी अन् लेकरु; मुंबई बोट अपघातात केळशीकरांचा आधार गेला, मन सुन्न करणारी कहाणी
हा सर्व प्रकार होत असताना धीरजचे भाऊ अभिजित तिथे आले. त्यावेळेस अखिलेश यांची पत्नी गीता शुक्ला भाऊ अभिजित याला टकल्या म्हणुन हिणवू लागली. त्यावेळेस धीरज यांनी सांगितले की, आमची आई मयत झाल्याने आम्ही केस काढलेले आहेत, तु टकल्या बोलून आमचा आपमान करू नको. त्यावर अखिलेश आम्हाला म्हणाला की, “तुमको मालुम नही. मै कौन हुं, सारी पोलीस मुझसे डरती है. अभी तुम्हारा मराठीपण निकालता हू. मुझे सिर्फ अधा घंटा दो, असे धमकावून तो तेथून निघून त्याचे घरी गेला.

यानंतर देशमुख बंधू घरात गेले त्यानंतर अखिलेश याने फोन करून बाहेरून ८ ते १० लोक बोलावुन घेतली. अर्धा तासानंतर घराची बेल वाजली अभिजीत याने घराचा दरवाजा उघडला. त्यावेळी अखिलेश हा दरवाजाबाहेर उभा होता आणि त्याच्यासोबत आठ ते दहा लोक होते. त्यावेळेस अखिलेश याने देशमुख यांना घराच्या बाहेर बोलावुन त्यांच्या जवळ असलेल्या धारदार शस्त्राने अभिजित यांच्या डोक्यात वार करून गंभीर जखमी केले.

त्यावेळेस धीरज यांची पत्नी मोनाली ही काय झाले म्हणून बाहेर आली असता तिलाही अखिलेश आणि त्याच्यासोबत असलेल्या आठ ते दहा लोकांनी लाथाबुक्क्यांनी मारहाण केली. त्यावेळेस अखिलेश याने तिला पकडुन तिच्याी गैरवर्तणूक केल्याचाही आरोप आहे. ‘तुमको रेप करके छोडता हुं’, असं अखिलेश म्हणाला. त्यावेळी अखिलेश याची पत्नी गीता शुक्ला हिनेही केस पकडुन तिला मारहाण केली. त्यावेळी गीता शुक्ला ही अखिलेश शुक्ला याने आणलेल्या गुंडाना ‘बच्चे बुढे सबको काट डालो, किसीको भी मत छोडो’ असे सांगत होती.

अखिलेश याच्या सोबत असलेल्या आठ ते दहा लोकांनी लोखंडी रॉड, पाईप व काठ्या तसेच लाकडी पट्ट्याने देशमुख यांच्यावर उजव्या हाताचे दंडाचे खाली धारदार शस्त्राने वार केला. तसेच, मनगटावर, उजव्या पायाचे गुडघ्यावर रॉडने तोंडावर मारहाण करून मला गंभीर जखमी केले आणि लता कळवीकट्टे यांना अखिलेश याने आणि त्याने आणललेल्या तीन लोकांनी घेरून लाथा बुक्क्याने मारहाण करून त्यांचा गळा धरण्याचा प्रयत्न केला. त्यानंतर सदरचा गोंधळ ऐकूनू सोसायटीचे लोक जमा झाले आणि आम्हाला सर्वांना त्यांचे तावडीतुन सोडवले, असे देशमुख यांनी सांगितले आणि याबाबत एफयाआरमध्ये या सर्व प्रकारची नोंद आहे.

हा सर्व प्रकार घडल्यानंतर देशमुख बंधू आणि इतर जण खडकपाडा पोलिसात तक्रार करण्यासाठी पोहोचले आणि कर्तव्यावरील पोलिसांनी आम्हाला वैदयकीय मेमो देवून बाई रूक्मीनीबाई हॉस्पिटल येथे उपचाराकरिता पाठविले. त्यानंतर दवाउपचार करता जात असतांना खडकपाडा पोलीस ठाण्याच्या बाहेर गेल्यानंतर मारहाण करणाऱ्या लोकांनी पाठलाग करून बारावे गांव रिक्षा स्टॅण्ड येथे अडवण्याचा प्रयत्न केला आणि पोलीस तक्रार करायची नाही, असे धमकावले, असे देशमुख यांनी सांगितले.

यासर्व प्रकरणात अभिजित देशमुख जबर जखमी आहेत, तर धीरज देशमुखही जखमी आहे. दरम्यान, हा सर्व प्रकार घडून सुद्धा पोलिसांनी रात्री गुन्हा दाखल केला नव्हता. तर गुरुवारी दुपारी पोलिसांनी अखिलेश शुक्ला, गीता शुक्ला आणि इतर आठ ते दहा जण यांच्यावर गुन्हा दाखल केला आहे. पोलीस याप्रकरणाचा तपास करत आहेत, मात्र पोलिसांनी अखिलेश शुक्ला, गीता शुक्ला आणि इतर आरोपींना अद्याप अटक केलेली नाही.