आधीचे पक्षप्रमुख काय होते, कारण ते काय सांगायचे आणि काय करायचे दाखवायचे दात वेगळे, म्हणजे दिसते एक व करतात वेगळे अशा शब्दात श्रेया कदम यांनी उद्धव ठाकरे यांचा समाचार घेतला आहे. आज पक्षप्रमुख उपमुख्यमंत्री एकनाथ शिंदे यांनी करून दाखवलं, याचं सगळं श्रेय मी पक्षप्रमुख एकनाथ शिंदे यांना देईल. कारण, त्यांनी करून दाखवलं आणि दाखवून दिलं की खरी शिवसेना कोणती, अशा शब्दात त्यांनी शिंदे यांचे कौतुक केलं आहे.

आदित्य ठाकरे मंत्री असताना ते कोकणासाठी बरेच काही करू शकत होते आणि इतकंच नाही तर कोकणासाठी आम्ही डेव्हलपमेंट प्लॅनही त्यांच्याकडे दिला होता. हा चांगला प्रोजेक्ट आम्ही आदित्य ठाकरे यांच्याकडे सबमिट केला होता, की आपण कोकणाला कसे छान करू शकतो. पण, त्यांनी त्याकडे दुर्लक्ष केलं. असाही खळबळजनक आरोप श्रेया कदम यांनी आदित्य ठाकरे यांच्यावर केला आहे. पण, यावेळी पर्यावरण पर्यटन खातं ज्या कोणत्या मंत्री महोदयांना मिळेल त्यांनी पहिल्यांदा क्षेत्रामध्ये कोकणात लक्ष द्यायला हवं, कारण ते फार गरजेचे आहे, अशी अपेक्षा त्यांनी व्यक्त केली आहे.

योगेश कदम हे नाही लाडक्या बहिणीची मोठी साथ मिळाली त्यामुळे तर महाराष्ट्र कोकणात महिलांसाठी मोठं काम करतात आज कोकणातील बंद असलेली घर सुंदर झाली पाहिजे, तिथे रोजगार उद्योग आले पाहिजेत यासाठी मोठं काम करावे लागेल आणि ते काम आता होईल असाही विश्वास श्रेया कदम यांनी यावेळी व्यक्त केला.

योगेश कदम यांची ही दापोली मतदारसंघातून दुसरी टर्म आहे. तुमचा एवढा मोठा सहभाग राहिला. मात्र, या मतदारसंघात महिला आरक्षण पडल्यास तुमची भूमिका काय असेल याबाबत त्या म्हणाल्या की, मी नेहमी सांगत की मी गरज पडली तरच राजकारणात येईन योगेश कदम यांना पत्नी म्हणून मी नक्कीच साथ देईन आणि आता त्यांच्यावरती महाराष्ट्राची जबाबदारी आहे, असं सांगत ते महाराष्ट्राच्या दौऱ्यावर असताना दापोली मतदारसंघाची जबाबदारी स्वीकारण्यास आपण सज्ज असल्याचेही स्पष्ट संकेत पत्नी श्रेया कदम यांनी दिले आहेत.

यावेळी त्यांच्यासोबत शिवसेनेच्या महिला आघाडीच्या पदाधिकारी रोहिणी दळवी शबनम मुकादम,उल्का जाधव, ममता शिंदे पंचायत समितीच्या माजी सभापती गीतांजली वेदपाठक आणि पदाधिकारी व कार्यकर्ते उपस्थित होते.