सोमनाथची आई म्हणाली की नांदेड परिक्षेत्राचे आयजी शहाजी उमाप म्हणाले की, तुमच्या मुलाचा मृत्यू हार्ट अटॅक ने झाला आहे. त्याला आम्ही कसल्याही प्रकारची मारहाण केली नाही. त्याच्या मृत्यूला पोलीस जबाबदार नाहीत. असे बोलत असतानाच शहाजी उमाप यांच्या बाजूला असलेल्या पोलीस अधिकाऱ्यांनी आम्हाला आमिष दिले. सोमनाथचा भाऊ म्हणाला की ते अधिकारी आम्हाला म्हणत होते की पोलीस भरतीमध्ये आम्ही तुम्हाला मदत करू. पुणे येथे ग्राउंड दरम्यान तुम्हाला पोलीस भरतीत पास होण्यासाठी मॅनेज करू.

सोमनाथ सूर्यवंशी चा मृतदेह परभणीत आणण्यासही पोलिसांचा होता विरोध छत्रपती संभाजी नगर येथून सोमनाथ सूर्यवंशी चा मृतदेह परभणीकडे आणला जाणार होता. पण परभणी पोलिसांचा त्याला प्रचंड विरोध होता. अंत्यसंस्कार दरम्यान जर काही अप्रिय घटना घडली तर सोमनाथ सूर्यवंशी यांचे कुटुंबीय जबाबदार राहील असे पोलीस म्हणत होते. सोमनाथ सूर्यवंशी चा मृतदेह एकतर पुणे येथे घेऊन जा अन्यथा लातूर जिल्ह्यातील निलंगा तालुक्यात असलेल्या मूळ गावी घेऊन जाण्याचा पोलीस यांचा आग्रह होता. पण, आंबेडकरी तरुणांपुढे पोलिसांचे काही चालले नाही आणि सोमनाथ सूर्यवंशी यांच्या मृतदेहावर परभणी येथे अंत्यसंस्कार करण्यात आले.

एकंदरीतच सोमनाथ सूर्यवंशी यांच्या कुटुंबियांना परभणी पोलिसांकडून वेगवेगळी आमिषे देऊन मॅनेज करण्याचा प्रयत्न केला जात असल्याचा धक्कादायक प्रकार समोर आल्यानंतर आता या प्रकरणात काहीतरी काळबेर आहे का असा संशय मात्र निर्माण होत आहे.