मस्साजोग येथील संतोष देशमुख हत्या प्रकरणात पीएसआय राजेश पाटील आणि आरोपी सुदर्शन घुले यांचा केज शहरातील बसंत बिहार या उडपी हॉटेल मधला सीसीटिव्ही व्हिडिओ समोर आल्यानंतर, आता दुसरा सीसीटीव्ही व्हिडिओ समोर आला आहे. ज्यामध्ये पीएसआय राजेश पाटील, आरोपी सुदर्शन घुले आणि मयत संतोष देशमुख यांचा भाऊ धनंजय देशमुख हा देखील त्या दोघांसोबत चर्चा करताना दिसत आहे.

पहिल्या व्हिडिओमध्ये आणि या व्हिडिओमध्ये अवघ्या ४ मिनिटांचं अंतर आहे. दरम्यान, आता हा सीसीटीव्ही व्हिडिओ सोशल मीडियावर व्हायरल झाला आहे. त्यामुळे या प्रकरणाची देखील चौकशी करावी, अशी मागणी केली जातं आहे.
Fadnavis-Uddhav Thackeray Meet: नागपुरात फडणवीस-ठाकरे भेट, सुषमा अंधारे म्हणतात – खरा अस्वस्थ तर शिंदे गट…
या व्हिडिओनुसार, केज शहरातील बसंत बिहार या उडपी हॉटेलमध्ये आरोपी सुदर्शन घुले , पीएसआय राजेश पाटील यांची भेट होते. त्यानंतर काही वेळातच धनंजय देशमुख हे त्या ठिकाणी येतात आणि त्यांच्यात काही चर्चा होते. संतोष देशमुख यांच्या हत्येच्या आदल्या दिवशीचा हा व्हिडिओ असल्याची माहिती आहे.

याबाबत आता भाऊ धनंजय देशमुख यांनी भूमिका स्पष्ट केली आहे. मी त्या हॉटेलमध्ये मित्रासोबत चहा प्यायला गेलो होतो. त्यावेळी पीएसआय राजेश पाटील आणि आरोपी घुले हे त्या ठिकाणी आले. यावेळी पीएसआय राजेश पाटील यांनी वेटरला सांगून मला बोलावून घेतलं आणि यापूर्वी ६ डिसेंबरला झालेल्या हाणामारीबाबत माहिती घेतली. मी त्यांना सांगितलं की आमचं भांडण मिटलं आहे. आमचं इतकंच बोलणं झालं, असं धनंजय देशमुख यांनी म्हटलं आहे. दरम्यान हा व्हिडिओ व्हायरल झाला असून आता पोलीस या दिशेनेही तपास करत आहेत.