नितीन गडकरी पॉडकास्टमध्ये म्हणाले की, एका रात्री ते काही लोकांसोबत बाळासाहेब ठाकरे यांच्या घरी बसले होते. त्यावेळी पाहुण्याने बाळासाहेबांसाठी स्पेशल अशी वाईन आणली होती आणि तेव्हा तिथे बसलेल्या सगळ्यांना बाळासाहेबांनी वाईन ऑफर केली. त्यांनी मला सुद्धा वाइन घेण्यास सांगितले पण मी पीत नाही म्हणून नकार दिला. तेव्हा बाळासाहेब ठाकरेंनी गंमतीत सर्वांना सांगितले की, ‘हा चड्डी वाला आहे, हा गाईचे शेण आणि गोमूत्र वाला आहे.’ इतक्या वर्षांपूर्वीची गोष्ट गडकरींनी सांगितल्याने याचा व्हिडिओ सोशल मीडियावर व्हायरल होत आहे. अनौपचारिक भेटीच्या गडकरींच्या या विधानावर कमेंट्स पाऊस पडला आहे.
लाडक्या बहिणींना २१०० रुपये कधीपासून? पुरवणी मागण्यांच्या आकड्यांमधून महत्त्वाचे अपडेट
मूळचे नागपूरचे असणाऱ्या नितीन गडकरींनी महाराष्ट्रातील राजकारणात आपले प्रस्थ निर्माण केले होते. त्यानंतर ते राष्ट्रीय राजकारणात सक्रीय झाले. १९९५ मध्ये भाजप-शिवसेनेचे सरकार स्थापन झाले तेव्हा त्यांना सार्वजनिक बांधकाम मंत्रीपदाची संधी मिळाली. सार्वजनिक बांधकाम मंत्री म्हणून नितीन गडकरींनी केलेल्या कामामुळे ते चर्चेचा विषय ठरले होते. नंतरच्या काळात ते भाजपचे राष्ट्रीय अध्यक्ष झाले. महाराष्ट्राच्या राजकारणात गडकरींचे मोठे प्रस्थ होते, ज्यांचे सर्वपक्षीयांशी चांगले संबंध आहेत. राज्यात त्यांनी अनेकदा आमदारकी भूषवली आणि विरोधी पक्षनेते पददेखील सांभाळले. नागपूर लोकसभा मतदारसंघातून विजयी होऊन ते तिसऱ्यांदा खासदार झाले आहेत. नितीन गडकरी हे बाळ ठाकरे यांचे आवडते मंत्री असल्याचा दावा राजकीय वर्तुळात अनेकदा केला जातो.