मंगलप्रभात लोढा यांनी म्हटले की, रेल्वेमंत्री आणि वरिष्ठ अधिकाऱ्यांसोबत चर्चा करून या नोटीसला स्थगिती देण्यात आलीये. इथे दररोज पूजा केली जाईल. आता नुकताच दादर हनुमान मंदिराच्या विषयावरून आदित्य ठाकरे यांनी जोरदार टीका केलीये. आदित्य ठाकरे म्हणाले की, बांगलादेशात जाऊन हिंदुत्व वाचवा. रेल्वेकडून ही स्थगिती घाई घाईमध्ये दिली. कारण आम्ही तिथे जाऊन साडेपाचला दर्शन घेणार होतो.
ठाकरे गटाच्या महाआरतीआधीच दादरच्या हनुमान मंदिराला आलेल्या नोटिशीला स्थगिती, लोढांच्या हस्ते आरतीमी आज साडेपाचला मंदिरात जाणार आहे. काल आम्ही भाजपाचे दुतोंडी हिंदुत्व आहे ते समोर आणले. निवडणुकीसाठी हिंदुना वापरले जाते. त्यानंतर निवडुका झाल्या की, यांच्याच राज्यात आमची मंदिरे सुरक्षेत नसतात, असे आदित्य ठाकरे यांनी म्हटले. मुंबईतील रस्ते घोटाळ्यावर बोलताना देखील आदित्य ठाकरे हे दिसले आहेत. अजूनही लहान मुलांना विद्यार्थ्यांना शाळेचे गणवेश दिले नसल्याचे आदित्य ठाकरे यांनी म्हटले.

आता मंगलप्रभात लोढा यांनी दादरच्या हनुमान मंदिरात आरती केल्यानंतरही आदित्य ठाकरे हे दर्शनासाठी साडेपाच वाजता जाणार आहेत. आम्ही फक्त भाजपाचे दुतोंडी हिंदुत्व पुढे आणण्यासाठी हे सर्व केल्याचे आदित्य ठाकरे यांनी थेट म्हटले, ज्याची आता चर्चा होताना दिसतंय. मंदिर पाडले जाणार नसल्याचे देखील मंगलप्रभात लोढा यांनी स्पष्ट केले. रेल्वेने पाठवलेल्या नोटीसमध्ये स्पष्ट म्हटले होते की, हे मंदिर बेकायदेशीर असून सात दिवसांच्या आत हटवा. वाहतूकीचा प्रश्न मंदिरामुळे निर्माण होतोय.