तीव्र वळणाची पाहणी

या पुलाच्या संरचनेची पाहणी त्यांनी यावेळी केली. वीर सावरकर मार्गावर ज्या ठिकाणी हा उड्डाणपूल उतरतो, त्या ठिकाणी एक तीव्र वळण निर्माण होणार आहे. यामुळे अपघातांची संख्या वाढण्याची शक्यता वर्तवली जात आहे. त्यामुळे IIT मुंबईच्या तज्ज्ञांकडून या पुलाची पडताळणी करण्याचे निर्देश त्यांनी यावेळी दिले आहेत. पूल वाहतुकीसाठी खुला करण्यापूर्वी या विशेष तपासण्या वेळेत पूर्ण करण्याचे आदेशही त्यांनी यावेळी दिले आहेत.

कसा असेल मार्ग?

हा पूल 560 मीटर लांब असून यापैकी 89 मीटर भाग रेल्वेवरून जातो. हा संपूर्ण उड्डाणपूल 14 स्पॅनवर उभारण्यात आला आहे. यापैकी 7 स्पॅन पूर्वेकडे तर 5 स्पॅन पश्चिमेकडे असून उर्वरित दोन स्पॅन रेल्वेवर असणार आहेत. या पुलामुळे वीर सावरकर मार्ग आणि लाल बहादूर शास्त्री मार्गांना थेट जोडणी मिळणार आहे. यामुळे घाटकोपर, विक्रोळी परिसरातील नागरिकांना मोठा फायदा होणार आहे. शिवाय जोगेश्वरी-विक्रोळी लिंक रोडवरील वाहतूककोंडीही कमी होण्यास मदत होणार आहे. सध्या नागरिकांना भांडूप पूर्वेकडून पश्चिमेकडे जाताना पाच किमीचा विळखा मारावा लागतो. पण हा पूल तयार होताच भांडूपमधील वाहन चालकांना अवघ्या काही मिनिटांत पूर्वेकडून पश्चिमेकडे पोहचता येणार आहे.

Pune News: पुणे-शिरूर, तळेगाव-चाकण-शिक्रापूर; अनेक उन्नत मार्गांचा विस्तार, पुण्यातील रखडलेले प्रकल्प महिनाभरात मार्गी लागणार

या पुलाचे काम 31 जानेवारी 2027 पर्यंत पूर्ण करून तो वाहतुकीसाठी खुला करण्याचे आदेश बांगर यांनी पाहणी दरम्यान दिले आहेत. या पुलाचे काम 10 ऑक्टोबर 2023मध्येच सुरू करण्याचे आदेश होते. पण काही कारणांमुळे ते काम रखडले. त्यानंतर 2024मध्ये पुलावर काम सुरू करण्यात आलं.