संभाजीराजे छत्रपतींनी मस्साजोगचे सरपंच संतोष देशमुखांच्या कुटुंबीयांची भेट घेतली. या प्रकरणी एसआयटी स्थापन करण्याची मागणी संभाजीराजेंनी केली आहे. बीड जिल्हा बिहारच्या मार्गावर चाललाय का असा सवालही त्यांनी उपस्थित केला. वाल्मिक कराडवर गुन्हा दाखल असूनही तो खुला फिरतोय, सरकारला कसं जमतं? अशी टीका त्यांनी केली. यापुढे अशा गोष्टी चालू देणार नाही म्हणत मी ग्रामस्थांसोबत आहे, असेही त्यांनी सांगितले. तर इथल्या आमदारांना मंत्री करू नका, अशी विनंती त्यांनी अजित पवारांना केली.