राजू याच्या मारहाणीमुळे सुनील गंभीर जखमी झाल्याचे बाब लक्षात येतच सुनीलची पत्नी माहेरी निघून गेली. हत्येची घटनेची माहिती मिळताच उपविभागीय पोलीस अधीक्षक पूजा नागरे आणि अधिकारी कर्मचारी घटनास्थळी दाखल झाले. सुनीलच्या पत्नीच्या फिर्यादीवरून राजू याच्यावर गुन्हा दाखल करण्यात आला आहे. पुढील तपास पोलीस करीत आहेत.

मुंबईचा युवक बीड बायपासवरील मदरशातून ताब्यात

दरम्यान, जैश ए महंमद या दहशतवादी संघटनेच्या हस्तकाशी संबंध असलेल्या २१ वर्षीय युवकाला सातारा भागातील बीड बायपासवरील एका मदरशातून ताब्यात घेण्यात आले आहे. तो मुळचा कुर्ला-मुंबई भागातील असल्याची माहिती समोर आली असून तो धार्मिक शिक्षणासाठी शहरात होता अशी माहिती राष्ट्रीय तपास यंत्रणेच्या (एनआयए) सूत्रांनी दिली.

छत्रपती संभाजीनगर शहरात झालेल्या कारवाईबाबत सूत्रांनी दिलेल्या माहितीनुसार, दहशतवादी संघटनेच्या संपर्कात असलेल्या युवकाच्या शोधात असलेले ‘एनआयए’चे मुंबईचे पथक काही दिवसांपूर्वी शहरात दाखल झाले होते. त्यांनी संशयितावर काही दिवसांपासून पाळत ठेवली होती. दहशतवादी संघटनेच्या संपर्कात असलेल्या या युवकाला ताब्यात घेण्याची प्रक्रिया बुधवारी रात्री सुरू करण्यात आली. ‘एनआयए’बरोबरच स्थानिक दहशतवाद प्रतिबंधक विभागाचे (एटीएस) पथक, सातारा पोलिस ठाण्याच्या कर्मचाऱ्यांचा बंदोबस्त घेऊन बुधवारी पहाटे चार ते पाचच्या दरम्यान बीडबायपासजवळील मदरशामध्ये गेले होते. त्यांनी त्यास ताब्यात घेतले.