नेमकं काय घडलं?

चंद्रपुरात नदी पुलावर अनेकजण उभे होते. तेवढ्यात एक तरुण दुचाकीने त्या पुलावर आला. त्याने दुचाकी पुलावर उभी केली आणि कोणाला कळायच्या आत थेट नदीपात्रात उडी घेतली. पुलावर असलेले लोक त्याला बघून अरे.. अरे.. करीत राहिले आणि तो काही क्षणात खोल पाण्यात बुडू लागला.
Kurla Best Bus Accident: संजय मोरे दारु पित नाही, कुर्ला अपघात बस चालकाच्या कुटुंबांचा दावा, पोलिस तपासातही मोठी माहिती
ही घटना वर्धा नदीच्या बेलोरा पुलावर सोमवारी (९ डिसेंबर) घडल्याची माहिती आहे. राजशेखर पोचम गोदारी असं मृत तरुणाचं नाव आहे. तो वेकोलित डंपर ऑपरेटर होता. कुटुंबीयांच्या तक्रारीवरून पोलिसांनी दिवसभर नदीपात्रात राजशेखरची शोधाशोध केली. मात्र, अंधार पडल्याने मृतदेह हाती लागला नव्हता. त्यानंतर शोधमोहीम थांबवण्यात आली.

याप्रकरणी मिळालेल्या अधिक माहितीनुसार, वेकोलि वणी क्षेत्राच्या बेलोरा नायगाव कोळसा खाणीत मागील काही वर्षांपासून राजशेखर पोचम गोदारी हा डंपर ऑपरेटर पदावर कार्यरत होता. सोमवारी दुपारी एक वाजताचा दरम्यान तो वर्धा नदीच्या बेलोरा पुलावर आपल्या दुचाकीने आला. त्यानंतर त्याने दुचाकी बाजूला लावली आणि क्षणाचाही विचार न करता लगेच नदीत उडी घेतली.

हा थरार काही नागरिकांनी पाहिला. त्यातील एक व्यक्ती राजशेखर गोदारी याला ओळखत होता. त्यामुळे त्याने राजशेखरने नदीत उडी घेतल्याची माहिती त्याच्या कुटुंबियांना आणि घुग्घुस पोलिसांना दिली. माहिती मिळताच पोलिसांनी घटनास्थळ गाठून शोध मोहीम सुरु केली. त्यानंतर पोलिसांनी घटनास्थळी धाव घेतली. रात्री उशिरापर्यंत शोध मग सुरू होती. पोलिसांनी राजशेखरची दुचाकी ताब्यात घेतली आहे. आज पहाटेपासून पुन्हा शोध मोहीम सुरु करण्यात आली आहे. मात्र, अद्याप त्याचा मृतदेह गवसला नसल्याची माहिती आहे.