Pune Bavdhan Shinde Nagar Photo Frame Studio Fire News : पुण्यातील बावधन येथील शिंदे नगरमधील फोटो फ्रेम स्टुडिओला भीषण आग लागली. या आगीत सर्व सामान जळून खाक झालं असून बाजूच्या इमारतींनाही आगीची झळ बसली आहे.
फोटो फ्रेम स्टुडिओला भीषण आग, जळून खाक
अग्निशमन दलाने आग आटोक्यात आणली असून सध्या कुलिंगचं काम सुरू आहे. ही आग लागली तो फोटो फ्रेम स्टुडिओ असल्यामुळे सर्व लाकडाच्या वस्तू जळून खाक झाल्या आहेत. त्याशिवाय फोटो स्टुडिओच्या बाजूलाच असलेल्या सोसायटीलाही या आगेची मोठी झळ बसली आहे. या घटनेमध्ये कोणतीही जीवितहानी झाली नसली, तरी सात नागरिक धुरामध्ये होरपळले आहेत. धुराचे काळे लोट उंच दिसत होते.
Kalyan News : कल्याणमध्ये गगनचुंबी इमारतीत अग्नितांडव, केडीएमसीची अग्निशमन यंत्रणा ठरली कुचकामी
स्टुडिओच्या बाजूला असलेल्या इमारतीलाही आगीची झळ
या घटनेचे अधिक माहिती अशी की, हा फोटो फ्रेम स्टुडिओ वेदांत कांबळे यांचा आहे. घटनास्थळावरुन मिळालेल्या माहितीनुसार, सदर ठिकाणी पाच मजली इमारत असून येथे असणाऱ्या एका फोटो स्टुडिओला (फ्लेक्स, फोटो फ्रेम आणि इतर साहित्य) आग लागून मोठ्या प्रमाणात धूर निर्माण झाला होता. त्याचबरोबर तेथील तीन सदनिकांना देखील आगीची झळ बसली असून नुकसान झालं आहे.
Nanded News : ऑईल मीलमध्ये अचानक स्फोट, आगीचा भडका उडाला; भीषण आगीत कामगार होरपळले
फोटो फ्रेम स्टुडिओत अग्नितांडव, धुराचे लोट चार किमीपर्यंत… पुण्यात भीषण आग, नागरिक धुरात होरपळले
आगीवर नियंत्रण, मात्र कुलिंग ऑपरेशन सुरू
या घटनेत इमारतीत झालेल्या धुरामध्ये अडकलेल्या ७ नागरिकांना अग्निशमन दलाच्या जवानांनी बाहेर काढून प्राथमिक उपचारासाठी रुग्णालयात रवाना केलं आहे. तसंच सध्या आगीवर चारही बाजूने पाण्याचा मारा सुरू आहे. सद्यस्थितीत सायंकाळी ६.४५ वाजता आगीवर पूर्ण नियंत्रण मिळवण्यात आलं असून कुलिंग ऑपरेशन सुरू आहे. घटनास्थळी अद्यापगी अग्निशमन दलाकडून कार्यवाही सुरू आहे.
लेखकाबद्दलकरिश्मा भुर्केमहाराष्ट्र टाइम्स ऑनलाइनमध्ये डिजिटल कंटेंट प्रोड्युसर म्हणून कार्यरत. सामना, झी २४ तास, न्यूज १८ लोकमतसह ४ वर्ष पत्रकारिता क्षेत्रातील अनुभव. सामाजिक, मनोरंजन विश्लेषणात्मक लेखनाची आवड…. आणखी वाचा