एकनाथ शिंदे यांनी उपमुख्यमंत्री म्हणून शपथ घेऊन झाल्यानंतर त्यांना मोदींनी हस्तांदोलन केलं. पंतप्रधानांनी शिंदे यांच्या दोन्ही हातांवर थोपटून त्यांचं अभिनंदन केलं. पण त्यानंतर मोदींनी असं काही म्हटलं, की उपमुख्यमंत्री शिंदे आणि पंतप्रधान मोदी दोघेही जोरात हसू लागले.
जावई तिसऱ्यांदा मुख्यमंत्री झाल्यानंतर सासरे डॉ.शरद रानडेंनी दिली खास प्रतिक्रिया; देवेंद्र फडणवीस CM झाल्याने आता…
मोदी आणि शिंदे यांना खळखळून हसताना पाहून त्यांच्याजवळ उभे असलेले महाराष्ट्राचे राज्यपाल सी.पी. राधाकृष्णन यांनाही हसू आवरलं नाही आणि तेदेखील हसू लागले. पंतप्रधान नरेंद्र मोदी आणि उपमुख्यमंत्री एकनाथ शिंदे यांना खळखळून हसताना पाहून प्रेक्षकांमध्ये बसलेली जनताही उत्साही झाल्याचं व्हिडिओमध्ये ऐकू येत आहे. पण पंतप्रधानांनी एकनाथ शिंदेंना असं नेमकं काय सांगितलं ज्याने इतका हास्यकल्लोळ झाला, हे मात्र समजू शकलं नाही.
अजित पवारांच्या नावावर झाला अनोखा विक्रम; याबाबत दादांच्या जवळपास कोणी नाही, असा आहे त्यांचा A to Z राजकीय प्रवास

पंतप्रधानांनी दिल्या शुभेच्छा

पंतप्रधान नरेंद्र मोदी यांनी सोशल मीडिया प्लॅटफॉर्म एक्सवर एक पोस्ट शेअर केली आहे. पोस्ट शेअर करत त्यांनी लिहिलंय, ‘महाराष्ट्राचे मुख्यमंत्री म्हणून शपथ घेतलेल्या देवेंद्र फडणवीसांना शुभेच्छा. राज्याचे उपमुख्यमंत्री म्हणून शपथ घेणाऱ्या एकनाथ शिंदे आणि अजित पवार यांना शुभेच्छा.

तसंच, हा संघ म्हणजे अनुभव आणि गतिमानता यांचा मिलाफ असून यांच्या सामूहिक प्रयत्नांमुळेच महायुतीला महाराष्ट्रात ऐतिहासिक जनादेश मिळाला आहे. ही टीम राज्यातील जनतेच्या आकांक्षा पूर्ण करण्यासाठी आणि सुशासनासाठी शक्य ते सर्व प्रयत्न करेल. मी महाराष्ट्राच्या विकासासाठी केंद्राकडून सर्वतोपरी सहकार्य करण्याचे आश्वासन देतो’, अशी पोस्ट करत पंतप्रधान नरेंद्र मोदी महायुतीच्या नव्या सरकारला शुभेच्छा दिल्या आहेत.

तो दारुच्या नशेत नव्हता…. विनोद कांबळी आणि सचिन तेंडुलकर यांच्या भेटीनंतर जुन्या मित्राचा दावा
दरम्यान, २३ नोव्हेंबर रोजी राज्यात विधानसभा निवडणुकीचे निकाल जाहीर झाले. निकालात महायुती सरकारला बहुमत मिळालं. त्यानंतर निवडणुकीच्या जवळपास १२ दिवसांनी ५ डिसेंबर रोजी मुंबईतील आझाद मैदानात महायुतीचा महाशपथविधी सोहळा पार पडला. या कार्यक्रमासाठी विविध राज्याचे मुख्यमंत्री, अनेक साधुसंत तसंच देशाचे पंतप्रधान नरेंद्र मोदीही सहभागी झाले होते. राज्यपाल सी.पी राधाकृष्णन यांनी देवेंद्र फडणवीस आणि एकनाथ शिंदे – अजित पवार यांना गोपनीयतेची शपथ दिली.