जळगावातील अपक्ष उमेदवार शेख अहमद शेख हुसेन गुलाम यांच्या घरावर गोळीबार झाल्याची घटना १८ नोव्हेंबरला पहाटेच्या सुमारास घडली होती. घटनेची माहिती मिळताच पोलीस अधीक्षक महेश्वर रेड्डी हे आपल्या सहकाऱ्यांसह तात्काळ घटनास्थळी दाखल झाले होते. पोलिसांनी याप्रकरणी तपासाची चक्र फिरवली. यातील संशयितांची कसून चौकशी केली असता धक्कादायक माहिती उघड झाली. अपक्ष उमेदवार शेख अहमद शेख हुसेन यांनी मतदारांची सहानभूती मिळवण्यासाठी आपला भाचा, मुलगा शालक आणि त्याच्या मित्रासोबत मिळून स्वतःच्या घरावर गोळीबार करण्याचे षडयंत्र रचले होते.
Pune Crime: डोक्यात, पोटावर, छातीवर सपासप वार, सुनिता जागीच कोसळल्या, मग आरोपीने… पुणे जिल्हा हादरला
सुरुवातीपासूनच या प्रकरणात पोलिसांना काही वेगळ्या शंका उपस्थित होत होत्या. शेवटी खबऱ्यांमार्फत पोलिसांना माहिती मिळाली की अपक्ष उमेदवारानेच हे सगळे षडयंत्र रचले आहे. याप्रकरणी पोलिसांनी इरफान अहमद मोहम्मद हुसेन, शेख अहमद शेख हुसेन, शेख शिबान फाईज अहमद हुसेन, मोहम्मद शफीक शेख अहमद उर्फ बाबा आणि शेख उमर फारूक अहमद हुसेन यांच्याविरुद्ध गुन्हा दाखल केला आहे. दरम्यान गोळीबार करणारा मोहम्मद शफीक उर्फ बाबा आणि शेख उमर फारूक अहमद हे दोघे फरार असून इतर तीन आरोपींना जळगाव स्थानिक गुन्हे शाखेच्या पथकाने अटक केली आहे.

गोळीबार झाल्यापासून संपूर्ण प्रकरण संशयास्पद वाटत होतं. तपासाअंती फिर्यादीच आरोपी निघाला आहे. गोळीबार करून लोकांची सहानुभूती मिळवत मते मिळवण्यासाठीच हा प्रकार केल्याचे पोलिस तपासात समोर आले आहे. तीन संशयित आरोपींना अटक करण्यात आली असून दोघांचा शोध सुरू आहे.