एकमताने विधीमंडळ गटाचा नेता म्हणून निवड केल्याबद्दल सर्वांचे आभार. यावेळची निवडणुक अतिशय ऐतिहासिक होती. या निवडणुकीने एक गोष्ट आपल्यासमोर ठेवली आहे ती म्हणजे ‘एक है तो सेफ है’ आणि ‘मोदी है ते मुनकीन है’. मोदींच्या नेतृत्त्वामध्ये विजयाची मालिका लोकसभेनंतर हरियाणापासून सुरू झाली. महाराष्ट्राच्या जनतेला साष्टांग दंडवत घालतो अशा प्रकारंच मँडेट जनतेने आपल्याला दिलं आहे. आपल्यासोबत पूर्णपणे तनमनाने असलेले मुख्यमंत्री एकनाथ शिंदे, उपमुख्यमंत्री अजित पवार आणि मित्रपक्षांचे आभार. आपण ज्या संविधानाच्या प्रक्रियेतून निवडून येतो या संविधानाची ७५ वर्षे पू्र्ण होत आहेत. मोदी कायम सांगतात कोणत्याही धर्मग्रंथापेक्षा भारताचे संविधान माझ्यासाठी महत्त्वाचं आहे. जनतेने मोठा जनादेश दिला आहे. आता या जनादेशाबाबत इतकंच म्हणेल आनंद आहे पण आता जबाबदारी वाढली आहे. सगळ्यांनी दिलेल्या जनादेशाचं सन्मान राखण्याचं काम आपल्याला करावं लागणार असल्याचं देवेंद्र फडणवीस यांनी म्हटलं आहे.

आपल्याला अपेक्षा पूर्ण करायच्या आहेत. त्यामुळे महायुती सरकारमध्ये आपल्याला सर्वांना एकत्र घेऊन आणि प्रसंगी सगळ्या गोष्टी सर्वांच्या मनाच्या करता येत नाहीत. पदांकरता आपण राजकारणात आलेलो नाही. त्यामुळे चार गोष्टी मनासारख्या आणि मनाविरूद्ध होतील. पण तरीदेखील आपण सगळेत एकत्रितपणे काम करू आणि आपली शक्ती काय आहे ते दाखवून देऊ. महाराष्ट्रातील सर्व समाजाला अश्वस्त करतो आमचं सरकार २४ तास काम करेल, असं देवेंद्र फडणवीसांनी सांगितलं.

महाराष्ट्राला सर्व आघाड्यांवर पुढे आणण्याकरता आपल्याला सातत्याने काम करावं लागणार आहे. २०१९ ला बेईमानी झाली पण जुन्या गोष्टींचा उल्लेख करणार नाही. पण गेला नाही. त्यावेळी सगळे आमदार संघर्ष करत होते. मात्र एकही आमदार आपल्याला सोडून गेला नाही. महाराष्ट्रात एक अभूतपूर्व इतिहास लिहिला गेला. माझ्यासारख्या बूथचा कार्यकर्ता म्हणूम काम सुरू केलेल्या कार्यकर्त्याला मोदींनी मला मुख्यमंत्रिपदावर बसण्याचा सन्मान दिला त्याबद्दल त्यांचे मनापासून आभार. त्यासोबतच जे. पी. नड्डा आणि या निवडणुकीमध्ये सुरूवातीपासून अतिशय ताकदीने महाराष्ट्रात तळ ठोकून कार्यकर्त्यांमध्ये ऊर्जा निर्माण केली ते अमित शहांचेही आभार देवेंद्र फडणवीस यांनी मानले.