त्याशिवाय राज्यातील आणि राज्याबाहेरील अनेक स्थानिक नेत्यांच्या प्रचारसभांचा धुमधडाका या दरम्यान पहायला मिळणार आहे. येत्या २० नोव्हेंबरला होणाऱ्या विधानसभा निवडणुकीसाठी सोमवारी दुपारी ५ वाजेपर्यंत राजकीय पक्षांना प्रचार करता येणार आहे. या प्रचारासाठी महायुती आणि महाविकास आघाडीकडून दिग्गज नेत्यांची फळी प्रचाराच्या मैदानात उतरविली आहे. यात जवळपास सर्वच राजकीय पक्षांकडून इतर राज्यातील दिग्गज नेत्यांना प्रचारात सामील करुन घेत मतदारांना आर्कर्षित करण्याचा प्रयत्न केला आहे. महायुतीकडून येत्या दोन दिवसांसाठी केंद्रीय मंत्र्यांची फौजच मैदानात उतरविली आहे. यात केंद्रीय मंत्री अमित शहा, नितीन गडकरी, राजनाथ सिंह, राजीवनी रंजन सिंग,
आजचा रविवार ‘सुपर कॅम्पेन डे’! खर्गे, शहा, प्रियंका गांधी उपराजधानीत, कुणाची कुठे होणार सभा?
चिराग पासवान, राजस्थानचे मुख्यमंत्री भजन लाल शर्मा, गुजरातचे मुख्यमंत्री भूपेंद्र पटेल, हरियाणाचे मुख्यमंत्री नायब सिंह सैनी, धर्मवीर प्रजापती, कोंडीला पवन कल्याण गरु, सुवेंदु अधिकारी अशा अनेक दिग्गज नेत्यांचा समावेश आहे. तर महाविकास आघाडीकडूनही माजी केंद्रीय मंत्री सलमान कुर्शीत, रणदीप सुरजेवाल, पवन खेरा अशा अनेक दिग्गज नेत्यांना महाराष्ट्रातील प्रचाराच्या रणधुमाळीत उतरविले आहे. त्याशिवाय अखिल भारतीय काँग्रेस समितीचे राष्ट्रीय अध्यक्ष मल्लिकार्जुन खर्गे हेसुद्धा सोमवारी मुंबईत दाखल होणार असून पत्रकारांशी संवाद साधणार असल्याचे सांगितले जात आहे. तर शिवसेना उबाठाकडूनही प्रचाराच्या अंतिम टप्प्यात आपले अनेक दिग्गज नेत्यांवर स्थानिक प्रचाराची धुरा सोपविली आहे. तर उबाठा गटाकडून प्रचाराचा शेवट बीकेसी येथील सभेत होणार असून पक्षप्रमुख उद्धव ठाकरे हे या प्रचाराची सांगता करणार असल्याने याकडे उभ्या महाराष्ट्राचे लक्ष लागून राहिले आहे. तर राष्ट्रवादी काँग्रेस शरदचंद्र पवार पक्षाकडून पक्षाचे राष्ट्रीय अध्यक्ष शरद पवार, सुप्रिया सुळे आणि जयंत पाटील हे प्रमुख उमेदवारांच्या मतदारसंघात प्रचारसभा घेणार असल्याचे सांगितले जाते.
मणिपूरमध्ये पुन्हा हिंसाचाराचा आगडोंब! मंत्री, आमदारांच्या घरांवर हल्ला, इम्फाळ खोऱ्यात संचारबंदी
आचारसंहिता भंगाच्या ७,७८४ तक्रारी निकाली
मुंबई : येत्या २० नोव्हेंबरला होणाऱ्या विधानसभा निवडणुकीच्या पार्श्वभूमीवर, राज्यात आदर्श आचारसंहिता लागू आहे. या काळात राज्यात अनेक ठिकाणी आचारसंहिता भंगाच्या तक्रारी प्राप्त झाल्या आहेत. शनिवारपर्यंत एकूण सात हजार ८२० तक्रारी प्राप्त झाल्या. त्यापैकी सात हजार ७८४ तक्रारी निवडणूक आयोगाकडून निकाली काढण्यात आल्या आहेत, अशी माहिती मुख्य निवडणूक अधिकारी कार्यालयाने दिली आहे. निवडणूक आयोगाच्या ‘सी व्हिजिल’ अॅपवर या तक्रारी प्राप्त झाल्या आहेत. हे अॅप कोणत्याही अॅपस्टोअरमधून डाउनलोड करता येते. तक्रार दाखल झाल्यानंतर संबंधित पथकाद्वारे चौकशी करून योग्य ती कारवाई करण्यात येते.
Ajit Pawar: वयोमानानुसार साहेबांना समजून घ्यायला हवे; गद्दार टिप्पणीबाबत अजित पवारांचे मत
दरम्यान, या कालावधीत राज्य आणि केंद्र केंद्र सरकारच्या विविध अंमलबजावणी यंत्रणांनी १५ ऑक्टोबरपासून बेकायदा पैसे, दारू, अमली पदार्थ, मौल्यवान धातू आदींसंबंधी केलेल्या कारवाईत एकूण ५५७ कोटी ७६ लाख रुपयांची मालमत्ता जप्त केली आहे. राज्यभर आचारसंहितेची प्रभावी अंमलबजावणी सुरू असल्याचे जाहीर करण्यात आले आहे.