काही दिवसांपूर्वी ठाकरे यांनी रामदास आठवले यांच्याप्रमाणे मंत्रीपद मिळत असेल तर मी ते घेणार नाही, उलट माझा पक्षच बरखास्त करेल, असे वक्तव्य केले होते. त्यावरून विचारले असता आठवले यांनी प्रत्युत्तर दिले. राज यांनी ठाकरे यांनी उगाच पक्ष बरखास्त करण्याची आवश्यक्ता नाही. पक्ष वाढवण्यासाठी प्रयत्न करावे असा सल्लाही आठवले यांनी यावेळी दिला.
त्यांच्या व्होटबँकेनुसार ते असू शकतं, पण…. अजित पवारांकडून ‘बटेंगे तो कटेंगे’ला विरोधानंतर विनोद तावडेंची प्रतिक्रिया
लोकसभेच्या निवडणुकीत विरोधकांनी संविधान धोक्यात आहे. आरक्षण संपणार, अशी खोटी आरोळी दिली होती. मात्र संविधान बदलले जाणार नाही, आरक्षण संपणार नाही, असा दावा करत विरोधकांकडून मुस्लीम आणि दलित समाजाला भडकवण्याचा प्रयत्न केला जात असल्याचा आरोप आठवले यांनी केला. मी संविधान संरक्षणासाठी मजबूतपणे महायुतीच्या पाठीशी आहे, असे ते म्हणाले.
Pune News : इंग्रजी येत नाही, पण अर्थसंकल्प सांभाळतोय… साडेसहा लाख कोटीत कुठे टिंब द्यायचा सांगा; अजितदादांचा टोला
यावेळी आठवले यांनी वंचितचे नेते ॲड. प्रकाश आंबेडकर वंचिताना एकत्र आणण्यासाठी प्रयत्न करत आहेत. त्यांचा प्रयत्न चांगला आहे. मात्र, पक्षाला मान्यता मिळेल इतकी मत त्यांना मिळत नाही. मागील तीन निवडणुकीत त्यांचा एकही उमेदवार निवडून आला नाही. त्यांनी महायुतीसोबत यावे. याशिवाय रिपब्लिकन ऐक्य होत असेल तर त्यांच्या नेतृत्वात आम्ही काम करायला तयार आहोत, असेही आठवले म्हणाले.

महायुतीत आम्ही आहोत. काही मिळाले नाही, तरीही आम्ही युतीधर्म पाळतो. महायुतीनेही विचार करावा. दिलेला शब्द पाळावा. हा शब्द न पाळल्यानेच आमचे निकटचे सहकारी भूपेश थुलकर पक्ष सोडून गेले. ते गेले असले तरी आम्ही त्यांना सोडले नाही. मी ज्या पक्षाचा अध्यक्ष होतो, ते त्याच पक्षात आहेत. पत्रकार परिषदेला राजन वाघमारे, बाळू घरडे, डॉ. पूरण मेश्राम, विनोद थूल, अविनाश धमगाये, सतिश तांबे, डॉ. मनोज मेश्राम उपस्थित होते.