Sunil Kedar on Uddhav Thackeray : बरबटे यांची उमेदवारी जाहीर झाल्यावर केदार यांनी थेट मातोश्री गाठत ठाकरे यांची भेट घेत त्यांचे उमेदवारीवरून मनधरणी करण्याचा प्रयत्न केला. मात्र, बरबटे यांची उमेदवारी कायम राहिल्याने अखेर मुळक यांनी बंडखोरी करत अपक्ष म्हणून निवडणूक लढवण्याचा निर्णय घेतला.
मातोश्रीवर भेटीगाठी
विधानसभा निवडणूक जाहीर झाल्यापासून महाविकास आघाडीमध्ये काँग्रेस व शिवसेना यांच्यात रामटेक मधील उमेदवारीवरून रच्चीखेच सुरू होती. दरम्यान शेवटी रामटेकची जागा उद्धव ठाकरे यांना मिळाल्याने, ठाकरे यांनी विशाल बरबटे यांची उमेदवारी जाहीर केली. मात्र, या मतदारसंघातून काँग्रेसचे माजी मंत्री राजेंद्र मुळक लढण्यास इच्छुक होते. विशेष म्हणजे मुळक यांना सुनील केदार यांचाही पाठिंबा होता. त्यामुळे बरबटे यांची उमेदवारी जाहीर झाल्यावर केदार यांनी थेट मातोश्री गाठत ठाकरे यांची भेट घेत त्यांचे उमेदवारीवरून मनधरणी करण्याचा प्रयत्न केला. मात्र, बरबटे यांची उमेदवारी कायम राहिल्याने अखेर मुळक यांनी बंडखोरी करत अपक्ष म्हणून निवडणूक लढवण्याचा निर्णय घेतला.
Vinod Tawde : मुख्यमंत्रिपदासाठी अचानकपणे नवीन नावं शक्य, विनोद तावडेंकडून खांदेपालटाचे संकेत
केदार यांचं प्रथमच जाहीर भाष्य
यावरून काँग्रेस व शिवसेनेतील संबंध ताणले गेले. मुळक यांच्या उमेदवारीला केदार यांचा पाठिंबा असल्याने त्यांच्यावर कारवाईची मागणी सुरू झाली. त्यातच ठाकरे गटाचे भास्कर जाधव यांनी जाहीर प्रचार सभेत केदार यांनी उद्धव ठाकरेंच्या पाठीत खंजीर खुपसल्याचे वक्तव्य जाहीर सभेत केले. सतत होत असलेल्या टीकेनंतर केदार यांनी प्रथमच यावर भाष्य केले आहे.
Sunil Kedar : उद्धवजी, तो तुम्हाला वाटेल तसं बोलला, अपमानाचा बदला घेण्यासाठी आमचा मोठा निर्णय, सुनील केदार यांनी दंड थोपटले
Worli Online Poll : ठाकरेंची धाकधूक वाढवणाऱ्या वरळीत कौल कुणाला? मटाच्या ऑनलाईन पोलचा अंदाज, युजर म्हणतात स्क्रीनशॉट काढून ठेवा
‘जयस्वालांना जागा दाखवणार’
याबद्दल बोलताना केदार यांनी शिंदे गटाचे उमेदवार असलेले विद्यमान आमदार आशीष जयस्वाल यांनी ठाकरेंशी बेईमानी केली. त्यांना त्यांची जागा दाखवायची आहे. यासाठी मुळ यांना उभे केल्याचे स्पष्टीकरण केदार यांनी जाहीर सभेत दिले. यावेळी केदार यांनी जयस्वाल यांनी माझ्याबद्दल बोलू नये असा सल्ला देत विकास काय असतो हे सावनेर येऊन बघा असे म्हटले आहे. तसेच उद्धव ठाकरेंची चिंता कोणालाही करण्याची गरज नाही. आम्ही अजूनही ठाकरे यांच्यासोबतच आहोत. पुढेही राहणार आहे. उद्धवजी तो तुम्हाला वाटेल तसा बोलला त्याचा बदला आम्ही घेणार आहोत. मातोश्रीला बोलणाऱ्या जागा दाखवतो असा थेट इशाराही केदारांनी यावेळी दिला.
लेखकाबद्दलअनिश बेंद्रेमहाराष्ट्र टाइम्स ऑनलाईन टीममध्ये सिनिअर डिजिटल कंटेंट प्रोड्युसर म्हणून कार्यरत | क्राईम विषयाचा ‘मास्टरमाईंड’ | सामाजिक, राजकीय आणि मनोरंजनविषयक बातम्यांमध्येही हातखंडा | एबीपी माझा, टीव्ही९ मराठीसह पत्रकारिता क्षेत्रात १० वर्षांचा अनुभव… आणखी वाचा