Washim News: पोहरादेवीचे महंत सुनील महाराज हे भाजप मध्ये प्रवेश करणार असल्याचा व्हिडिओ त्यांनी व्हायरल केला आहे. सुनील महाराज यांनी शिवसेना उद्धव ठाकरे पक्षाला जय महाराष्ट्र केल्यानंतर हा निर्णय घेतला आहे.
बंजारा समाजाची काशी असलेल्या पोहरादेवी येथील महंत सुनील महाराज हे शिवसेना (उबाठा) पक्षात होते मात्र उद्धव ठाकरे हे मला भेटण्यासाठी वेळ देत नाहीत असे कारण पुढं करत त्यांनी काही दिवसांपूर्वी पक्षाला सोडचिठ्ठी दिली. आता ऐन विधानसभा निवडणुकीच्या रणधुमाळीत ते भाजप मध्ये प्रवेश करत असल्याने महाविकास आघाडीला याला फटका बसण्याची शक्यता आहे.
निवडणूक शिगेला अन् समोर आला महत्त्वाचा अहवाल; आता प्रचाराची दिशाच बदलणार! जाणून घ्या रिपोर्टमध्ये असे काय आहे
भाजपने बंजारा समजाचे पोहरादेवीचे धर्मगुरू बाबुसिंग महाराज यांना राज्यपाल कोट्यातून आमदार करून बंजारा समाजाच्या गाडीचा सन्मान वाढवला त्यामुळे मी हा प्रवेश करणार असल्याचं त्यांनी व्हायरल केलेल्या व्हिडीओत म्हटल आहे.
संजय राऊतांना मनसेकडून आग्रहाचे निमंत्रण! राज ठाकरेंच्या सभेत व्यासपीठावर एक खुर्ची उद्धव ठाकरेंच्या खासदारासाठी; पाहा नेमके काय प्रकरण
पोहरादेवीचे महंत सुनील महाराज हे गेल्या लोकसभा निवडणुकीत शिवसेना पक्षात होते आणि यवतमाळ वाशिम लोकसभा मतदार संघात शिवसेनेचे खा. संजय देशमुख हे मोठ्या मताधिक्याने निवडून आले. आता महंत सुनील महाराज यांनी शिवसेनेला जय महाराष्ट्र करून भाजप मध्ये जाण्याचा निर्णय घेतल्यानंतर कारंजा मानोरा विधानसभा मतदार संघातील भाजप उमेदवाराला याचा फायदा होऊन महाविकास आघाडीच्या उमेदवाराला याचा फटका बसणार का हे पाहणं महत्त्वाचं आहे
लेखकाबद्दलजयकृष्ण नायरजयकृष्ण नायर, महाराष्ट्र टाइम्समध्ये Senior Digital Content Producer आहेत. महाविद्यालयात युवा सकाळमधून त्यांनी पत्रकारितेची सुरुवात केली. २००९ पासून ते ऑनलाइन पत्रकारीतेत आहेत. प्रहार, स्टार माझा, न्यूज १८ लोकमत अशा वेबसाइटसाठी त्यांनी काम केले आहे. देश, विदेश आणि तंत्रज्ञान यासोबत क्रीडा विषयात त्यांची आवड आहे…. आणखी वाचा