Uddhav Thackeray at Solapur Highlights from Vidhan Sabha Election: दक्षिण सोलापूर मतदारसंघात शिवसेना उद्धव बाळासाहेब ठाकरे गटाचे उमेदवार अमर पाटील यांच्या प्रचारासाठी उद्धव ठाकरे यांनी सोलापूरमध्ये हजेरी लावली. जुळे सोलापूर येथील मोठ्या मैदानावर सभा संपन्न झाली. शिवसेना प्रमुख उद्धव ठाकरेंनी भरसभेत महाविकास आघाडीच्या दोन्ही खासदारांचे कान टोचले.
नवाब मलिकांवरून भाजपला टोला
राष्ट्रवादी अजित पवार गटाचे नवाब मलिक मानखुर्द शिवाजीनगर येथून निवडणूक लढवत आहेत. एकेकाळी नवाब मलिक माझ्यासोबत मंत्रिमंडळात होते, त्यावेळी भाजपने त्यांना ईडीची चौकशी लावत दाऊद इब्राहिमसोबत संबंध आहे, असा ठपका ठेवून अटक केली होती. महायुतीत असताना भाजपवाले आता नवाब मालिकासोबत व्यासपीठावर जाणार का? असा सवाल ठाकरेंनी उपस्थित केला.
नांदेड उत्तरमधील मविआचा उमेदवार नेमका कोण? उद्धव ठाकरेंच्या घोषणेनंतर आघाडीत संभ्रम
‘मुन्ना महाडिक आहे का मुन्ना भाई एमबीबीएस आहेत’
कोल्हापूर येथील खासदार धनंजय उर्फ मुन्ना महाडिक यांनी महिलांना उद्देशून टिप्पणी केली. काँग्रेसच्या सभेत दिसाल तर १५०० रुपये काढून घेऊ, त्यावर उद्धव ठाकरेंनी कडाडून टीका केली. तुम्ही १५०० रुपये देऊन विकत घेतलाय का? मुन्ना महाडिक हे मुन्ना भाई एमबीबीएस सिनेमामधील मुन्ना भाई आहेत का? असा सवाल देखील त्यांनी केला.
‘धनगर आरक्षण देण्याचे आश्वासन वाजपेयींनी दिले होते’
उद्धव ठाकरे यांनी रविवारी सोलापूरच्या भाषणात आरक्षणाच्या मुद्द्यावरुन इतिहास गिरवला आहे. अटल बिहारी वाजपेयी हे पंतप्रधान झाल्यानंतर पंढरपूर येथे मोठी सभा झाली होती. त्यावेळी धनगर समाजाला आरक्षण देणार, असे आश्वासन दिले होते. त्यावर भाजप मूग गिळून गप्प का आहेत? असा प्रश्न उद्धव ठाकरेंनी उपस्थित केला आहे.
लेखकाबद्दलविमल पाटीलविमल पाटील, महाराष्ट्र टाइम्स ऑनलाईनमध्ये कंसल्टंट म्हणून कार्यरत आहे. याआधी सामना, आरएनओ वृत्तसंस्थेमध्ये रिपोर्टर म्हणून काम केलं आहे. पत्रकारिता क्षेत्रात तीन वर्षांचा अनुभव आहे. राजकीय आणि विश्लेषणात्मक बातम्या लिहण्याची आवड…. आणखी वाचा