संतोष शिराळे, सातारा : आज शशिकांत शिंदे यांना महाआघाडीतून सातारा लोकसभा मतदारसंघासाठी उमेदवारी जाहीर झाली आहे. शिंदे यांची उमेदवारी आव्हानात्मक वाटते का, असे विचारले असता, “कधी कोणीही ओव्हरकॉन्फिडन्समध्ये राहू नये. आमची तर तयारी झाली आहेच. त्यांनी त्यांची करावी. लोकांच्या मनात जे आहे ते लोक ठरवतील. शेवटी लोकशाहीत मतदारच राजा आहे. एखाद्याच्या भविष्याविषयी बोलणं सोपं असतं. नावे ठेवणे सोपं असतं. ते मी कधी केले नाही,” असे मत उदयनराजे यांनी शिंदे यांच्या उमेदवारीबाबत व्यक्त केले.

लोकसभा निवडणुकीच्या पार्श्वभूमीवर श्रीमंत छत्रपती उदयनराजे भोसले यांचे प्रचार दौरे सुरू आहेत. आज ते कराडमध्ये असताना त्यांनी पत्रकारांशी संवाद साधला. त्यावेळी ते बोलत होते. पत्रकार परिषदेस भाजपचे नेते अतुल भोसले, विक्रम पावसकर आदी मान्यवर उपस्थित होते.
निवडणुकीच्या काळात पडू द्या पण पाऊस पडला पाहिजे, उमेदवारीच्या प्रश्नावर उदयनराजेंचं मिश्किल उत्तर

राज्यसभेचे खासदार की लोकसभेचे उमेदवार, राजे म्हणाले…

तुम्ही राज्यसभेचे खासदार म्हणून की सातारा लोकसभेचे उमेदवार म्हणून पत्रकार परिषद घेताय यावर उदयनराजे म्हणाले, मी लोकसभेचा उमेदवार म्हणून आपल्याशी बोलतोय आणि भाजप निश्चित निर्णय घेईल आणि यादी जाहीर करेल, असा विश्वास त्यांनी व्यक्त केला.
आमचं मनोमीलन निवडणुकांपुरतं नाही, शिवेंद्रराजेंना मंत्री करण्याची जबाबदारी माझी, उदयनराजेंची ग्वाही

सातारा हा राजकारणाचा केंद्रबिंदू

महायुतीमध्ये सर्व घटक पक्षांचा विचार घेऊन उमेदवार जाहीर होतात. त्यामुळे इतर पक्षाची उमेदवारी जाहीर झाली की नाही याबाबत मला माहिती नाही आणि कोणाची झाली असेल, तर त्यावर मी भाष्य करणार नाही. महाराष्ट्राच्या राजकीय वाटचालीत सातारा हा राजकारणाचा केंद्रबिंदू आहे आणि होताच! सातारा जिल्ह्याने महाराष्ट्राला नाही, तर देशाला दिशा देण्याचे काम केले आहे, असे उदयनराजे म्हणाले.
साताऱ्यातून शरद पवारांचा खंदा शिलेदार शशिकांत शिंदे मैदानात, १५ तारखेला अर्ज भरणार

महायुतीने तुम्हाला उमेदवारी दिली नाही, तर अपक्ष लढणार का?

महायुतीने तुम्हाला उमेदवारी दिली नाही, तर अपक्ष लढणार का? या हटके प्रश्नावर उदयनराजे म्हणाले, मला उमेदवारी देणार नाही हे तुम्हाला कसं माहीत? तुम्ही काळजी करू नका. मी मागेच सांगितले आहे की उमेदवारी मलाच मिळणारच! एक लक्षात घ्या, लग्न छोटे असते, तेव्हा याद्या करणे सोपे असते, असा मिश्किल सवालही त्यांनी पत्रकारांना केला.
राष्ट्रवादीची दुसरी यादी जाहीर, बीडमधून पुन्हा बजरंग बप्पा तर भिवंडीतून बाळ्यामामा तुतारी फुंकणार

मला पहिल्या यादीत उमेदवारी दिली नाही म्हणजे त्यात वाईट मानायचं कारण नाही

शाहू महाराजांना महाआघाडीने घरी जाऊन उमेदवारी दिली, यावर उदयनराजे म्हणाले, मी कोणाला विरोधक मानत नाही. वैचारिक मतभेद असू शकतात. प्रत्येकाची विचारधारा वेगवेगळी असते. लोकशाही आहे. मला पहिल्या यादीत उमेदवारी दिली नाही म्हणजे त्यात वाईट मानायचं कारण नाही. कोल्हापूरच्या शाहू महाराजांना महाआघाडीने घरी जाऊन उमेदवारी दिली. मी त्यांचे सगळ्यांचे स्वागत करतो.
उदयनराजे वेटिंगवर, पूनम महाजनांची धाकधूक वाढली, भाजपच्या १० व्या यादीत कुणाला मिळाली संधी? वाचा…

अतिआत्मविश्वासात राहू नये, पण आमची तयारी झालीये!

शशिकांत शिंदे यांची उमेदवारी आव्हानात्मक वाटते, का, असे विचारले असता, “कधी कोणीही ओवरकॉन्फिडन्समध्ये राहू नये. आमची तर तयारी झाली आहेच. त्यांनी त्यांची करावी. लोकांच्या मनात आहे जे आहे ते लोक ठरवतील. शेवटी लोकशाहीत मतदारच राजा आहे. एखाद्याच्या भविष्याविषयी बोलणं सोपं असतं. नावे ठेवणे सोपं असतं. ते मी कधी केले नाही.

आरक्षण प्रश्नाचा फरक पडेल काय? राजे म्हणाले…

लोकसभा निवडणुकीत मराठा आरक्षणाचा फरक पडेल काय? यावर ते म्हणाले, जातिनिहाय जनगणना केली असती, तर आरक्षणाचा विषयच आला नसता. मी प्रत्येक समाजाचे समर्थन करतो. त्यावेळच्या राज्यकर्त्यांनी दूरदृष्टी ठेवायला हवी होती. पण तसे झाले नाही. भविष्यात विविध समाजामध्ये तेढ निर्माण होईल, याचा विचार व्हायला हवा होता.

नरेंद्र पाटीलही इच्छुक आहेत, राजे म्हणाले-लोकशाहीत कुणीही इच्छुक असू शकते!

सोमवारी झालेल्या मेळाव्यात नरेंद्र पाटील यांनीही आपण इच्छुक असल्याचे सांगितले होते, त्यावर उदयनराजे म्हणाले, लोकशाही आहे. कोणीही आशावादी असू शकतो आणि आशावादी का नसावं असावा सवाल त्यांनी पत्रकारांना केला.