दीपक पडकर, बारामती : आज अजित पवारांनी भाषण करताना राष्ट्रवादीच्या कार्यकर्त्यांना खळखळून हसवलं आणि त्याचबरोबर विरोधकांना मार्मिक टोले देखील दिले. यावेळी बोलताना अजित पवार म्हणाले, आजपर्यंत तुम्ही पवारांच्याच मागे उभा होता ना? आजपर्यंत जेवढे निवडणुका झाल्या, त्यामध्ये तुम्ही पवारांनाच मतदान करत आलात! आताही तुम्हाला मतदान करताना जिथे पवार दिसेल तिथेच मतदान करा म्हणजे तुम्हालाही पवारांना मतदान केल्याचं समाधान राहील.

उपमुख्यमंत्री अजित पवारांच्या उपस्थितीत आज बारामतीत कार्यकर्त्यांचा आणि पदाधिकाऱ्यांचा मेळावा पार पडला. या मेळाव्यात पवार बोलत होते. ते म्हणाले, थोडक्यात आधी मुलाला म्हणजे मला १९९१ मध्ये मतदान केलं. त्यानंतर वडिलांना म्हणजे पवार साहेबांना मतदान केलं. त्यानंतर लेकीला म्हणजे सुप्रियाला मतदान केले. आता सुनेला मतदान करा, सगळे फिटमफाट होऊन जाईल.
पवारांनी पत्र दाखवलं, दादांनी थेट आव्हान दिलं; धमक्या दिल्या असतील, तर पोलिसांत तक्रार द्या
अजित पवारांनी पंतप्रधान मोदी यांच्यावर यापूर्वी केलेल्या टीकेचा देखील पुनरुच्चार केला. मी नरेंद्र मोदी यांच्यावर टीका केली. पण आताची परिस्थिती वेगळी आहे. मोदींनी कधीही सुट्टी घेतलेली नाही. मोदी फक्त देशाचा विकास कसा होईल बघतात. बारामतीत केंद्राचा पैसा आला पाहिजे. १५ वर्ष मी प्रयत्न करतो आहे की, बारामतीचे रेल्वे स्टेशन पुढे फलटणला जोडले पाहिजे, पण काहीच होत नाही. त्यासाठी मोदींना भेटलो आहे.

आता आपला हक्काचा खासदार झाला, तर ते काम पुढे मार्गी लागेल. खरे तर राजकारणात कुणी कुणाचा कायमचा शत्रू आणि मित्र नसतो. मोदींनी सांगितलेले आहे की परत जेव्हा पंतप्रधान होईल तेव्हा पहिल्या दोन महिन्यात असे निर्णय घेईल की सगळे आश्चर्यचकित होतील.