म. टा. प्रतिनिधी, मुंबई : राज्य परिवहन (एसटी) महामंडळाच्या अद्ययावत मोबाइल अॅपद्वारे तिकिटे घेण्याकडे प्रवाशांचा कल वाढत असून गेल्या वर्षीच्या तुलनेत यामध्ये यंदाच्या तीन महिन्यांत ३०० टक्क्यांनी वाढ नोंदवण्यात आली आहे.सिंगल ऑनलाइन डेटाबेससह आयटीएमएस प्रणाली लागू असलेले राज्य परिवहन महामंडळ हे देशातील एकमेव महामंडळ आहे. सध्या देशातील अन्य महामंडळांत आगारस्तरावर स्वतंत्र डेटाबेस असून त्यांमध्ये एकीकरणाच्या अडचणी येत असल्याने तिकीटविक्रीचा वेग कमी आहे, असे एसटी महामंडळातील वरिष्ठ अधिकाऱ्यांनी सांगितले.
नव्या वर्षापासून एसटीच्या मोबाइल तिकीटविक्रीत वाढ झाली आहे. यंदाच्या १ ते १५ मार्च या कालावधीत ३०६ टक्क्यांनी वाढ नोंदवत ६५,२२३ तिकिटांची विक्री झाली आहे. गेल्या वर्षी मार्चच्या पहिल्या पंधरवड्यात अवघ्या १६,०७३ तिकीटविक्रीची नोंद आहे. यंदाच्या जानेवारी आणि फेब्रुवारीमध्ये अनुक्रमे ८०,०४३ आणि १,०६,४६३ तिकिटांची विक्री झाली होती. गेल्या वर्षी दोन महिन्यांतील सर्वाधिक तिकीटविक्री ही २९,६४४ इतकी होती.
वाहतूक विभागाच्या समन्वयाने बहुतांश गाड्या ऑनलाइन उपलब्ध करण्यात आल्या आहेत. प्रवासाचा तपशील अॅपमध्ये भरल्यानंतर आरक्षणासह त्यांच्या तिकिटाचे अचूक भाडे स्वयंचलित पद्धतीने तयार होते. पैसे भरण्याची प्रक्रियाही सुलभ झाल्याने वेळेची बचत होते. यामुळे अन्य राज्य परिवहनच्या तुलनेत एसटी महामंडळाच्या अॅडव्हान्स मोबाइल अॅपवरून होणारी तिकीटविक्री सर्वाधिक आहे, असेही एसटी अधिकाऱ्यांनी स्पष्ट केले.
नव्या वर्षापासून एसटीच्या मोबाइल तिकीटविक्रीत वाढ झाली आहे. यंदाच्या १ ते १५ मार्च या कालावधीत ३०६ टक्क्यांनी वाढ नोंदवत ६५,२२३ तिकिटांची विक्री झाली आहे. गेल्या वर्षी मार्चच्या पहिल्या पंधरवड्यात अवघ्या १६,०७३ तिकीटविक्रीची नोंद आहे. यंदाच्या जानेवारी आणि फेब्रुवारीमध्ये अनुक्रमे ८०,०४३ आणि १,०६,४६३ तिकिटांची विक्री झाली होती. गेल्या वर्षी दोन महिन्यांतील सर्वाधिक तिकीटविक्री ही २९,६४४ इतकी होती.
वाहतूक विभागाच्या समन्वयाने बहुतांश गाड्या ऑनलाइन उपलब्ध करण्यात आल्या आहेत. प्रवासाचा तपशील अॅपमध्ये भरल्यानंतर आरक्षणासह त्यांच्या तिकिटाचे अचूक भाडे स्वयंचलित पद्धतीने तयार होते. पैसे भरण्याची प्रक्रियाही सुलभ झाल्याने वेळेची बचत होते. यामुळे अन्य राज्य परिवहनच्या तुलनेत एसटी महामंडळाच्या अॅडव्हान्स मोबाइल अॅपवरून होणारी तिकीटविक्री सर्वाधिक आहे, असेही एसटी अधिकाऱ्यांनी स्पष्ट केले.
नोव्हेंबर २०२३मध्ये सुरू केलेल्या एमएसआरटीसी बस रिझर्व्हेशन अॅप प्रवासी वापरासाठी प्रचंड त्रासदायक असल्याच्या तक्रारी होत्या. तक्रारींसह सूचनांची दखल घेत महामंडळाच्या आयटी विभागाने यात बदल केले आणि अद्ययावत अॅप जानेवारी २०२४ला सेवेत आणला आहे.
एसटी मोबाइल अॅप तिकीट, प्रवासी आणि उत्पन्न
महिना – जानेवारी (२०२३-२०२४) फेब्रुवारी (२०२३-२०२४) *मार्च (२०२३-२०२४)
तिकीटविक्री – २६,३६३-८०,०४३ – २९,६४४- १,०६,४६३ – १६,०७३- ६५,२२३
प्रवासी – ४१,१२६-१,१३,९१३ – ४८,२२९-१,५६,१५४ – २५,३०३-९३,९११
महसूल (कोटींमध्ये) – १.५५- ३.५३ – १.७७-४.६७ – ०.८९- २.८६
(मार्च – १ ते १५ मार्च या कालावधीतील माहिती आहे.)
अडीच महिन्यांत ११ कोटींचा महसूल
१ जानेवारी ते १५ मार्च २०२४ दरम्यान अॅपद्वारे तिकिटांच्या माध्यमातून महामंडळाने ११,०७,३२,७१० रुपयांचा महसूल मिळवला. गेल्या वर्षी याच अडीच महिन्यांत ४,२१,७९,६८९ रुपयांच्या महसुलावर समाधान मानावे लागले होते. मोबाइल अॅपमध्ये सुधारणा केल्यानंतर प्रवाशांचा अॅपद्वारे तिकीट काढण्याकडे आणि आरक्षण करण्याकडे कल वाढला. अॅपमुळे प्रवाशांच्या वेळेची बचत होते, शिवाय महामंडळाच्या महसुलातही वाढ झाली आहे.