म. टा. प्रतिनिधी, छत्रपती संभाजीनगर : डॉ. बाबासाहेब आंबेडकर मराठवाडा विद्यापीठ वसतिगृहातील विद्यार्थी पाणी टंचाईने त्रस्त आहेत. वारंवार तक्रार करूनही प्रशासनाचे दुर्लक्ष केल्याने संतापलेल्या विद्यार्थिनींनी शुक्रवारी रात्री थेट कुलगुरूंच्या निवासस्थासमोर ठिय्या मांडला. मुलींच्या आंदोलनानंतर शनिवारी प्रशासनाला जाग आली अन् खडबडून जागे झालेल्या प्रशासनाचे दिवसभर बैठकांचे सत्र सुरू होते. कुलगुरूंनी वसतिगृहाला सकाळीच भेट दिली आणि वसतिगृहात काही वेळ पाणीपुरवठा उपलब्ध झाल्याचे विद्यार्थ्यांनी सांगितले. वसतिगृहातील कायमस्वरुपी पाणीटंचाईवर काय तोडगा निघतो, याकडे दीड हजार विद्यार्थ्यांचे लक्ष लागले आहे.विद्यापीठातील वसतिगृहातील विद्यार्थ्यांना पाणी टंचाई भेडसावत आहे. विद्यापीठ प्रशासनाकडे वारंवार तक्रार करूनही प्रशासनाने त्याकडे दुर्लक्ष केले, परिणामी ऐन मध्यरात्री मुलींच्या वसतिगृहात पाणीच उपलब्ध नसल्यामुळे संतप्त झालेल्या शेकडो विद्यार्थिनींनी थेट विद्यापीठाचे कुलगुरू डॉ. विजय फुलारी यांच्या बंगल्यावर मोर्चा काढला. मुलींच्या मातोश्री वसतिगृहात पाणी उपलब्ध नसल्याने वसतिगृहातील मुलींनी शुक्रवारी रात्री साडेअकरा वाजता कुलगुरूंच्या बंगल्यावर धाव घेतली.
कापूस, तुरीचे दर कडाडले, ९ हजारांचा उच्चांक गाठणार?
तिथे आधी दोन तास ठिय्या आंदोलन केले. त्यानंतर विद्यार्थिनींनी कुलगुरू निवासस्थानाचे प्रवेशद्वार उघडून आत प्रवेश केला, घोषणाबाजी केली. मध्यरात्री साडेबारा वाजण्याच्या सुमारास कुलगुरू डॉ. विजय फुलारी विद्यार्थिनींना सामोरे गेले. त्यांनी सकाळी सात वाजता वसतिगृहाला भेट देऊन पाणीप्रश्न सोडविण्याचे आश्वासन दिले. त्यानंतर या विद्यार्थिनी तेथून परतल्या. या घटनेनंतर शनिवारी सकाळी साडेआठच्या सुमारास कुलगुरूंनी वसतिगृहाला भेट दिली. यानंतर अधिकाऱ्यांच्या बैठकांचे सत्र सुरू झाले. विद्यार्थी कल्याण विभागाचे संचालक डॉ. कैलास अंभुरे यांच्यासह अधीक्षकांची बैठक घेण्यात आली. पाणीपुरवठ्याचा आढावा घेण्यात आला. पाणीपुरवठ्यासाठी आणखी दोन टँकर वाढविण्याचे आदेश देण्यात आले. तसेच अधीक्षक, स्थावर विभागातील अधिकाऱ्यांकडून खुलासा मागविण्यात आला.
कापूस, तुरीचे दर कडाडले, ९ हजारांचा उच्चांक गाठणार?तिथे आधी दोन तास ठिय्या आंदोलन केले. त्यानंतर विद्यार्थिनींनी कुलगुरू निवासस्थानाचे प्रवेशद्वार उघडून आत प्रवेश केला, घोषणाबाजी केली. मध्यरात्री साडेबारा वाजण्याच्या सुमारास कुलगुरू डॉ. विजय फुलारी विद्यार्थिनींना सामोरे गेले. त्यांनी सकाळी सात वाजता वसतिगृहाला भेट देऊन पाणीप्रश्न सोडविण्याचे आश्वासन दिले. त्यानंतर या विद्यार्थिनी तेथून परतल्या. या घटनेनंतर शनिवारी सकाळी साडेआठच्या सुमारास कुलगुरूंनी वसतिगृहाला भेट दिली. यानंतर अधिकाऱ्यांच्या बैठकांचे सत्र सुरू झाले. विद्यार्थी कल्याण विभागाचे संचालक डॉ. कैलास अंभुरे यांच्यासह अधीक्षकांची बैठक घेण्यात आली. पाणीपुरवठ्याचा आढावा घेण्यात आला. पाणीपुरवठ्यासाठी आणखी दोन टँकर वाढविण्याचे आदेश देण्यात आले. तसेच अधीक्षक, स्थावर विभागातील अधिकाऱ्यांकडून खुलासा मागविण्यात आला.
विद्यार्थिनींची घोषणाबाजी
विद्यार्थिनींनी रात्री बाराच्या सुमारास आंदोलनाला सुरुवात केली. वसतिगृहातून निघालेल्या विद्यार्थिनी थेट कुलगुरूंच्या निवासस्थानी पोहचल्या. एक-दीड तास विद्यार्थिनी बाहेर घोषणाबाजी करत होत्या; परंतु कुलगुरू लवकर निवासस्थानातून बाहेर आले नाहीत, असे विद्यार्थिनींनी सांगितले. या वेळी विद्यार्थिनींनी जोरदार घोषणाबाजी केली. कुलगुरू येणार नाहीत, तोपर्यंत येथून उठणार नाही, अशा प्रकारची भूमिका विद्यार्थिनींनी घेतली. अभ्यास करायचा की, पाणीपुरवठ्याचे वेळापत्रक पाहायचे, आता पाण्याचा प्रश्न मिटवाल, नंतरचे काय, असा सवाल विद्यार्थिनींनी केला. ‘कुलगुरू बाहेर या,’ अशा घोषणा विद्यार्थिनींनी दिल्या.
वसतिगृहांतील विद्यार्थीसंख्या
वसतिगृह विद्यार्थी संख्या
मातोश्री जिजाऊ मुलींचे वसतिगृह ११५
क्रांतीज्योती सावित्रीबाई फुले मुलींचे वसतिगृह ९६
यशवंतराव चव्हाण मुलींचे वसतिगृह २७५
प्रियदर्शनी मुलींचे वसतिगृह १००
रमाबाई आंबेडकर अल्पसंख्याक मुलींचे वसतिगृह १८०
नायलिट मुलींचे वसतिगृह २४
संशोधक मुलींचे वसतिगृह १०८
श्री छत्रपती शिवाजी महाराज मुलांचे वसतिगृह १००
सिद्धार्थ संशोधक मुलांचे वसतिगृह ५५
कर्मवीर भाऊराव पाटील कमवा व शिका वसतिगृह ५५
महर्षी विठ्ठल रामजी शिंदे मुलांचे वसतिगृह ५२
शहिद भगतसिंग मुलांचे वसतिगृह ४०
विद्यार्थी विश्रामगृह वसतिगृह ५२
आंतरराष्ट्रीय विद्यार्थ्यांचे वसतिगृह २९
वसतिगृहातील पाणीटंचाई समोर आल्यानंतर विविध उपाययोजना करण्यात येत आहेत. महापालिकेकडून पाणीपुरवठा नियमित होत नसल्याने अडचणी आहेत. विद्यापीठाकडे दोन टँकर असून, गरजेनुसार वसतिगृहात टँकरद्वारे पाणीपुरवठा करतो. आता त्याच्या फेऱ्या वाढविण्याबाबत कुलगुरूंनी निर्देश दिले आहेत.
– डॉ. कैलास अंभुरे,
संचालक, विद्यार्थी विकास मंडळ, डॉ. बाबासाहेब आंबेडकर मराठवाडा विद्यापीठ
वसतिगृहात पाणीटंचाई केवळ एकाच वसतिगृहातील नाही, सर्वच वसतिगृहांमध्ये पाणी टंचाई आहे. सर्व मुली शुक्रवारी रात्री कुलगुरूंच्या निवासस्थानी पोहचल्या; परंतु प्रवेशद्वारावरच अडवण्यात आले. तेथे एकही महिला सुरक्षा अधिकारी नव्हती. संतापलेल्या विद्यार्थिनींना दोन तास ताटकळत बसावे लागले. आज सकाळी त्यांनी वसतिगृहाला भेट दिली, पाहणी केली. कुलगुरू येणार असल्याने वसतिगृहात पाणी होते. परंतु पुन्हा टंचाई जाणवली. दुपारनंतर वसतिगृहात पाणी उपलब्ध होते, अशी स्थिती आहे.
– मनीषा बल्लाळ
जिल्हाध्यक्ष, एसएफआय