मुंबई: भारतीय जनता पक्षानं लोकसभा निवडणुकीच्या जागावाटपात घेतलेल्या भूमिकेमुळे शिंदेंच्या शिवसेनेत अस्वस्थता आहे. भाजपकडून अंतर्गत सर्व्हेंचा दाखला देऊन शिवसेनेला बॅकफूटवर ढकललं जातंय. सर्व्हेंचा आधार घेऊन सेनेच्या जागांवर दावा सांगितला जातोय. भाजपकडून होणाऱ्या कोंडीमुळे कार्यकर्त्यांचं खच्चीकरण होतंय, अशी भावना खासदार, आमदारांमध्ये आहेत.

शिवसेनेच्या ५ ते ६ खासदारांचं अहवाल निगेटिव्ह असल्याचा अहवाल पुढे आला आहे. अंतर्गत सर्वेक्षणांचा हवाला देत शिंदेंना भाजपनं उमेदवार बदलण्याच्या सूचना दिल्या. काही जागांवर भाजपच लढण्यास उत्सुक आहे. त्यामुळे शिंदेसेनेत अस्वस्थतता आहे. अहवालांचा दाखला घेऊन भाजप शिवसेनेवर दबाव टाकत असल्याची खासदारांची भावना असल्याचं वृत्त ‘एबीपी माझा’नं दिलं आहे.
अमरावती नवी बारामती! राणांना तिकीट जाहीर होताच अडसूळांची बंडखोरी, बच्चूंचीही ‘कडू’ भाषा
नाशिक, हिंगोली, यवतमाळ, रामटेक, कोल्हापूर, वायव्य मुंबईतील खासदारांचे अहवाल निगेटिव्ह असल्याचं भाजपकडून सांगण्यात आलं आहे. या जागांवर नवे उमेदवार देण्याच्या सूचना भाजपकडून शिंदेंना करण्यात आल्या. शिंदेंनी रामटेकमधून विद्यमान खासदार कृपाल तुमाने यांच्याऐवजी काँग्रेसमधून आलेल्या राजू पारवेंना संधी दिली.

नाशिकचे खासदार हेमंत गोडसे, हिंगोलीचे खासदार हेमंत पाटील, यवतमाळ-वाशिमच्या खासदार भावना गवळी, कोल्हापूरचे खासदार संजय मंडलिक आणि वायव्य मुंबईचे खासदार गजानान कीर्तीकर यांच्या जागी नवे उमेदवार देण्याच्या सूचना शिंदेंना देण्यात आल्या आहेत. नाशिकमधून राष्ट्रवादीच्या छगन भुजबळांच्या नावाची चर्चा आहे. हिंगोलीची जागा लढवण्यास भाजप उत्सुक आहे.
घड्याळ नको! धाराशिवमध्ये ‘सातारा पॅटर्न’; परदेशींमुळे नवा तिढा, पुन्हा अडचणीत अजितदादा
भावना गवळींच्या जागी कॅबिनेट मंत्री आणि सेना नेते संजय राठोड यांच्या नावाची चर्चा आहे. कोल्हापुरातून समरजीत घाडगेंना उमेदवारी देण्याचा भाजपचा आग्रह आहे. कीर्तीकर यांच्या जागी नवा उमेदवार देण्याच्या सूचना शिंदेंना करण्यात आल्या आहेत. त्यामुळे शिंदेंच्या खासदारांमध्ये अस्वस्थतता आहे. यातील काही खासदारांनी शिंदेंची भेट घेऊन खदखद बोलून दाखवली. लोकसभेला ही अवस्था असेल तर विधानसभेला काय होईल, असा विचार करुन शिंदेंसोबत असलेले आमदार अस्वस्थ झाले आहेत.