नागपूर : लोकसभा निवडणुकीसाठी नितीन गडकरींची उमेदवारी अद्याप जाहीर झाली नसल्याने उद्धव ठाकरे यांनी गडकरी यांना शिवसेनेची ऑफर दिली. नितीन गडकरींना पक्षाचे निमंत्रण देणाऱ्या उद्धव ठाकरेंच्या वक्तव्यावर उपमुख्यमंत्री देवेंद्र फडणवीस यांनी प्रतिक्रिया दिली आहे. ते म्हणाले की, उद्धव ठाकरे स्वत:ला मोठे दाखवण्याचा प्रयत्न करून स्वत:ची खिल्ली उडवत आहेत.
उमेदवारांच्या पहिल्या यादीत काळा पैसा कमावणारे कृपा शंकर सिंह यांना स्थान मिळाल्याचे उद्धव ठाकरे म्हणाले होते. मात्र भाजपला पुढे नेण्यासाठी आयुष्य वेचणाऱ्या नितीन गडकरी यांच्या नावाची घोषणा अद्याप झालेली नाही. दिल्लीच्या अहंकाराला लाथ मारा आणि महाविकास आघाडीत या, असे ठाकरे म्हणाले. त्याला प्रत्युत्तर देताना उपमुख्यमंत्री देवेंद फडणवीस म्हणाले, ज्या पक्षाचा आधीच बँड वाजला आहे.
“नितीन गडकरींना त्यांची ऑफर म्हणजे एखाद्या रस्त्यावरच्या नेत्याने अमेरिकेच्या अध्यक्षपदाची ऑफर दिल्यासारखी आहे.फडणवीस पुढे म्हणाले, “गडकरी हे आमचे मोठे नेते आहेत. महाराष्ट्राची यादी येईल तेव्हा त्यात नितिन गडकरींचे नाव असेल. महाराष्ट्रावर चर्चा करताना नितीनजींचे नाव पहिले येईल. त्यामुळे उद्धव ठाकरे स्वत:ला मोठे दाखवण्याचा प्रयत्न करून स्वत:ची खिल्ली उडवत आहेत.
मराठा आरक्षणासंदर्भात बोलताना फडणवीस म्हणाले, कोणताही मुद्दा न्यायालयासमोर असताना, असे निर्देश दिल्या जातात. मराठा आरक्षण आमच्या काळात वैध्य ठरवले होते. भरतीच्या वेळी आमच्या अटी पाळण्याच्या सूचना दिल्या होत्या. ही न्यायालयीन प्रक्रिया आहे. मी न्यायालयाचा निर्णय ऐकलेला नाही, मात्र माझ्या अनुभवाच्या आधारे मी हे सांगू शकतो असेही फडणवीस म्हणाले.
सुप्रिया सुळे यांनी गृहविभागावर ताशेरे ओढत “अबकी बार गोळीबार सरकार” असे म्हटले होते, त्यावर फडणविस यांनी हल्लाबोल करत म्हणाले की, मावळ येथे गोळीबार झाला तेव्हा कोणाची सरकार होती, पोलिसांच्या लाठीचार्जमध्ये आदिवासी गोवारींचा मृत्यू झाल्या. तेव्हा कोणाचे सरकार होते याचे उत्तर त्यांनी द्यावे.