अकोला : आजी आणि माजी आमदाराच्या मध्ये बसण्यासाठी काँग्रेसच्या एका पदाधिकाऱ्याने धडपड केल्याचा मजेशीर प्रकार पाहायला मिळाला. मंचावर समोरच्या रांगेत बसलेल्या दोघांच्या मध्ये जागा मिळवण्यासाठी पदाधिकाऱ्याचे प्रयत्न सुरु होते. अकोल्यात महाविकास आघाडीच्या जिल्हास्तरीय बैठकीतील हा मजेदार व्हिडिओ सोशल मीडियावर सर्वांचं लक्ष वेधून घेत आहे.

एकीकडे महाविकास आघाडीत जागावाटपाचा तिढा कायम आहे. त्यात आता एका काँग्रेस पदधिकाऱ्याचा एक व्हिडिओ व्हायरल होत आहे. अकोल्यात आयोजित मविआच्या बैठकीतील हा व्हिडिओ आहे.
केसाने गळा कापू नका…रामदास कदम यांच्या तोंडून शिंदेंची खदखद? विश्वासू नेत्याकरवी भावना वदवल्याची चर्चा
आज अकोल्यात महाविकास आघाडीची जिल्हास्तरीय बैठक पार पडली. या बैठकीदरम्यान एका काँग्रेस पदाधिकाऱ्याची मंचावर बसण्यासाठी मोठी धडपड दिसून आली. अगदी बैठकीत आल्यापासून ते मंचावर बसलेल्या नेत्यांच्या समोरच्या रांगेत बसण्यासाठी… या काँग्रेस पदाधिकाऱ्याने जागा मिळवण्यासाठी केलेल्या धडपडीचा हा मजेदार व्हिडिओ. डॉ सुभाष कोरपे यांचा हा व्हिडिओ असून ते काँग्रेसचे पदाधिकारी तसेच जिल्हा मध्यवर्ती बँकेचे माजी माजी अध्यक्ष राहिले आहेत.

Read Latest Maharashtra News Updates And Marathi News

विद्यमान आमदार नितीन देशमुख आणि माजी आमदार दाळू गुरूजी यांच्यामध्ये बसण्यासाठी ही धडपड होती. कारण या बैठकीदरम्यान मंच अगदी प्रमुख पदाधिकाऱ्यांच्या गर्दीनं फुल्ल भरला होता. अखेर केलेल्या धडपडीनंतर कोरपे यांना यश आलं अन् त्यांनी शेवटी मंचावर जागा मिळवलीच.